影片
更多
2022-09-26
16 瀏覽
喺旺角新寶戲院附近返工嘅時候，立鮨 可以話係我經常幫襯嘅日本餐廳佢嘅好味程度已經係有口皆碑，隔咗一排再幫襯，店內裝修原來已經全面升級，由以前嘅立食店已經變成有得坐喇！坐喺壽司吧枱前面一邊望住專業嘅廚師們製作壽司，一邊品嚐佢哋精選嘅出品，用餐嘅體驗比起以前更加正！今次我哋係午市幫襯，叫咗兩個set，每一點食物嘅質素都令我非常驚豔！❤️🍣 #廚師發辦 HKD 380由廚師精心挑選 #刺身 、六款 #壽司 加一份 #手卷 ，今次我食到嘅刺身有梭子魚、中拖羅、牡丹蝦，壽司包括特選海膽、象拔蚌、伊助木、鰈魚、間白、深海池魚；再加埋香蔥吞拿魚手卷 ，全部都係滿分之作！師傅嘅壽司握功無可挑剔，魚貨亦非常新鮮，因為食材每日都由日本築地市場新鮮直送，所以十分合理，我比較驚喜嘅係壽司飯好味得來非常獨特，喺香港好少食到，原來係選用日本福井米同埋江戶前與兵衛赤醋製作而成，見微知著你就可以知道師傅嘅用心🍚 #追加大滿足海膽特盛 HKD 88碗仔上面鋪滿晒極之新鮮嘅北海道海膽，十分足料，味道鮮甜細滑，嗰陣來自海洋嘅鮮味配埋下面嘅壽司飯，簡直一流，務必一定要追加！🥰🥰🥰🥰🥰🍱 午市《期間限定》 #海膽壽司盛合 HKD
佢嘅好味程度已經係有口皆碑，隔咗一排再幫襯，店內裝修原來已經全面升級，由以前嘅立食店已經變成有得坐喇！坐喺壽司吧枱前面一邊望住專業嘅廚師們製作壽司，一邊品嚐佢哋精選嘅出品，用餐嘅體驗比起以前更加正！
今次我哋係午市幫襯，叫咗兩個set，每一點食物嘅質素都令我非常驚豔！❤️
🍣 #廚師發辦 HKD 380
由廚師精心挑選 #刺身 、六款 #壽司 加一份 #手卷 ，今次我食到嘅刺身有梭子魚、中拖羅、牡丹蝦，壽司包括特選海膽、象拔蚌、伊助木、鰈魚、間白、深海池魚；再加埋香蔥吞拿魚手卷 ，全部都係滿分之作！師傅嘅壽司握功無可挑剔，魚貨亦非常新鮮，因為食材每日都由日本築地市場新鮮直送，所以十分合理，我比較驚喜嘅係壽司飯好味得來非常獨特，喺香港好少食到，原來係選用日本福井米同埋江戶前與兵衛赤醋製作而成，見微知著你就可以知道師傅嘅用心
🍚 #追加大滿足海膽特盛 HKD 88
碗仔上面鋪滿晒極之新鮮嘅北海道海膽，十分足料，味道鮮甜細滑，嗰陣來自海洋嘅鮮味配埋下面嘅壽司飯，簡直一流，務必一定要追加！
🥰🥰🥰🥰🥰
🍱 午市《期間限定》 #海膽壽司盛合 HKD 256
一客有六件壽司，一如以往魚貨非常新鮮，特別之處係喺帆立貝等上面鋪上海膽，非常新鮮，令到成件事更加錦上添花，跟餐仲有一碗蝦湯，大大隻蝦頭配上蔥花，濃郁滋味 🦐
🦀 #追加唐揚軟殼蟹 HKD 58
餐廳嘅炸物出色到每次幫襯都一定要嗌返一客，今次追加叫嘅唐揚軟殼蟹揸得金黃酥脆，香口得嚟一啲都唔油膩，跟餐追加嘅價錢又唔貴，我覺得呢個係抵食加必食之選 ✨
張貼