影片
更多
2021-10-28
371 瀏覽
我同朋友都鍾意食墨西哥美食🇲🇽，皆因貪佢夠香口。不過好多時提供墨西哥菜嘅都係酒吧，我哋放工後想放鬆下傾計，唔想去啲嘈嘅地方。最後竟然俾我上網搵到旺角有間餐廳「Mobin」，好似幾啱心水喎😉！我哋預先喺網上訂定枱，一去到店員就有相關資料，並安排入座。佢哋全部都好有禮貌，又重視客人意見，令人有賓至如歸嘅感覺👍️。題外話，餐廳入口唔太起眼，你會以為自己行錯咗去賓館，好彩佢有喺樓梯貼上餐廳名作指示➡️。牛油果醬煙鮭魚他他($95)，呢個小食由兩部份組成，左邊係用嚟沾醬食嘅洋蔥味脆餅🥠，上枱時佢好完整，店員建議我哋整碎佢撈醬食，風味更佳。另一邊係牛油果醬伴煙三文魚Guacamole🥑，再加埋忌廉芝士、青瓜、洋蔥同三色椒等配料，成個組合一齊食好惹味！墨西哥香烤雞翼($78)，雞翼一客有六隻🍗，中間仲搭配咗少量自家製椰菜沙律。雞翼經烤焗，令外皮變得微微脆，而肉質就保持嫩滑。雖然佢名叫Hot Wings🔥，但辣度實屬老少咸宜，我認為佢香多過辣，幾正啊。芝士粟米肉鬆餡餅($118)，我一向都鍾意食墨西哥餡餅Quesadilla🌮，而呢度嘅口味更為出色，因為佢將台灣風情融入在內。餡餅輕薄軟熟，中間夾住嘅係豬肉
我同朋友都鍾意食墨西哥美食🇲🇽，皆因貪佢夠香口。不過好多時提供墨西哥菜嘅都係酒吧，我哋放工後想放鬆下傾計，唔想去啲嘈嘅地方。最後竟然俾我上網搵到旺角有間餐廳「Mobin」，好似幾啱心水喎😉！
我哋預先喺網上訂定枱，一去到店員就有相關資料，並安排入座。佢哋全部都好有禮貌，又重視客人意見，令人有賓至如歸嘅感覺👍️。題外話，餐廳入口唔太起眼，你會以為自己行錯咗去賓館，好彩佢有喺樓梯貼上餐廳名作指示➡️。
牛油果醬煙鮭魚他他
$95
13 瀏覽
0 讚好
0 留言
墨西哥香烤雞翼
$78
16 瀏覽
0 讚好
0 留言
芝士粟米肉鬆餡餅
$118
23 瀏覽
0 讚好
0 留言
紐約芝士蛋糕配自家製龍舌蘭焦糖醬
$68
12 瀏覽
0 讚好
0 留言
Cucumber Gimlet
$60
6 瀏覽
0 讚好
0 留言
總括嚟講，餐廳嘅食物款式富有異國風情，唔係四周圍咁易食到，而且味道亦都幾好😋，價錢又唔貴。我另外仲發現原來餐廳名字Mobin係指The Best Type of Men(筍盤??)，好鬼過癮，哈哈🧒🏻。餐廳環境舒適，雖然位處於旺角，但竟然俾到人一種隱世嘅味道，大家不妨嚟探索吓呢個神秘國度吧！
張貼
