Pizza Maru (朗豪坊)

營業中

休息中

韓國烤肉芝加哥薄餅$213超多芝士！！！拎起嗰一刻超級驚喜，啲拉絲真係好正好吸引🤩顏值爆燈，本身以為咁多芝士會好漏，點知食落都OK喎，同傳統嗰隻Pizza好唔同，呢款皮比較厚，滿滿嘅芝士味😚仲有啲韓式烤肉喺上面，啲肉係平時韓式醬嗰隻味，甜甜地咁，我覺得好食過平時嘅Pizza～蒜香甜辣秘製炸雞拼芝士秘製炸雞$223炸雞口味咁多真係揀唔到🥺好彩可以揀兩隻味，今次揀咗最韓式嘅甜辣同埋芝士，甜辣味食落唔係太辣，應該大部份人都食到，芝士炸雞，落咗啲芝士粉喺面頭，都係鹹鹹甜甜咁樣，同Pizza嘅拉絲芝士唔同味，大家都可以叫。帶子泡菜卡邦尼意粉$158佢呢款意粉好Creamy🤪但係完全唔會覺得膩，可能因為有啲泡菜係到中和返，估唔到泡菜同埋忌廉可以夾🤫入面仲有啲煙肉、蘑菇同埋火箭菜，啲配料勁豐富，有啲辣椒碎同芝士粉喺面頭，睇落去更加食慾大增。蒜蓉番茄蟹肉意粉$163唔食辣唔食泡菜嘅人可以揀呢款，酸酸甜甜嘅蕃茄，加埋舊炸軟殼蟹，未食已經開始流口水，睇圖都知醬仲多過意粉🤣🤣冇可能唔夠味呀Maru紫蘇炸魷魚圈$93略嫌啲沙律醬唔夠，但係魷魚圈本身係好食，不過份量唔算多，呢個價錢嚟講算係有少少貴。