影片
更多
2024-06-15
16837 瀏覽
晚餐時段行過旺角 偶然見到個巨型戶外廣告牌介紹呢間嚟自新加坡嘅火鍋店 就去咗試一試😚 我地揀咗 B精選 6+1款小鮮肉放題套餐 可以食足2小時時令刺身拼盤一揀好鍋底 店員就拎咗呢隻刺身船俾我地可以食住先🫢 入面有三文魚 北寄貝 八爪魚同埋帶子 每款刺身都係一人一件湯底我哋加咗$50要鴛鴦鍋底 一次過試晒佢兩款皇牌湯底👑 膠原蛋白養顏美容鍋同埋清涼解熱雪耳鮮椰子鍋 店員建議可以先飲下膠原蛋白養顔美容鍋嘅湯 真係好滋補 同媽媽嘅老火湯有得揮🤣 另一個鮮椰子湯底就好鮮甜 煮蔬菜一流🥥 肉類我地呢個餐包括咗美國prime牛下肩胛 美國精選肥牛 美國四方肥牛 牛舌 紐西蘭羊肉卷 三黃鮮雞件同埋田野鄉村嫩豬花肉🐷 肉類基本都夠食 個人最鍾意美國prime牛下肩胛因為肥瘦分明 食完都唔會好膩🐮 海鮮種類都幾多 有竹籤蝦 鮮鯇魚骨腩 鮮鯇魚片 水魷魚 自家製蟹籽墨魚滑🦑 我就最鍾意佢嘅竹籤蝦 蝦肉口感彈牙🦐火鍋配料所有火鍋配料都係用店舖嘅平板電腦落單 更加方便衛生🫡 我地嗌咗自家製韭菜豬肉雲吞 迷你魚皮餃 粟米餃 白菜豬肉餃🥟 墨魚丸 牛筋丸 香菇貢丸 炙燒芝心丸 芝士雞肉腸 金沙魚腐 炸魚皮同埋脆炸
晚餐時段行過旺角 偶然見到個巨型戶外廣告牌介紹呢間嚟自新加坡嘅火鍋店 就去咗試一試😚 我地揀咗 B精選 6+1款小鮮肉放題套餐 可以食足2小時
時令刺身拼盤
一揀好鍋底 店員就拎咗呢隻刺身船俾我地可以食住先🫢 入面有三文魚 北寄貝 八爪魚同埋帶子 每款刺身都係一人一件
湯底
我哋加咗$50要鴛鴦鍋底 一次過試晒佢兩款皇牌湯底👑 膠原蛋白養顏美容鍋同埋清涼解熱雪耳鮮椰子鍋 店員建議可以先飲下膠原蛋白養顔美容鍋嘅湯 真係好滋補 同媽媽嘅老火湯有得揮🤣 另一個鮮椰子湯底就好鮮甜 煮蔬菜一流🥥
肉類
我地呢個餐包括咗美國prime牛下肩胛 美國精選肥牛 美國四方肥牛 牛舌 紐西蘭羊肉卷 三黃鮮雞件同埋田野鄉村嫩豬花肉🐷 肉類基本都夠食 個人最鍾意美國prime牛下肩胛因為肥瘦分明 食完都唔會好膩🐮
海鮮
種類都幾多 有竹籤蝦 鮮鯇魚骨腩 鮮鯇魚片 水魷魚 自家製蟹籽墨魚滑🦑 我就最鍾意佢嘅竹籤蝦 蝦肉口感彈牙🦐
火鍋配料
所有火鍋配料都係用店舖嘅平板電腦落單 更加方便衛生🫡 我地嗌咗自家製韭菜豬肉雲吞 迷你魚皮餃 粟米餃 白菜豬肉餃🥟 墨魚丸 牛筋丸 香菇貢丸 炙燒芝心丸 芝士雞肉腸 金沙魚腐 炸魚皮同埋脆炸午餐肉😉
蔬菜及豆類製品
要食得健康 梗係唔少得嗌返啲蔬菜食下🥬 淨係菜嘅選擇 呢度已經有七至八款 油麥菜 甜粟米 雲耳同湯底都幾夾 豆類製品有新鮮自家炸響鈴 生根 豆卜同埋鮮腐竹 當中新鮮自家炸響鈴真係好推介☺️
自助吧
主要分咗醬料區 飲品區 同埋小食區 入面有港式風味嘅街頭小食 咖喱魚蛋 魚肉燒賣同埋油炸鬼 咖喱味道唔會好辣 但幾惹味😝 仲有個沙律吧喺醬料區側邊🥗
飲品
埋單之後店員俾咗一壺柚子蜜沙冰我哋😮 味道唔算好甜 打完邊爐熱辣辣飲返杯凍嘢幾好👍🏻 另外出邊飲品櫃都有無糖茶 汽水同埋啤酒任飲㗎😍
甜品
通常放題嘅杯裝雪糕都係限咗一人一杯 冇諗過呢度可以任食 仲幾多選擇添🍦我地一次過試咗芒果雪糕 泰式奶茶雪糕 海鹽味雪糕 豆腐雪葩同埋檸檬雪葩 個人最鍾意豆腐雪葩 清清地咁 唔係度度有得食🫢
餐廳最平嘅套餐只需$198 如果9點半後入座就可以無限時食到凌晨兩點🕑 夠晒盡興啦✌🏻
張貼
