影片
更多
2024-06-21
458 瀏覽
同朋友慶祝生日當然要去食燒肉放題，嚟咗呢間喺旺角嘅佐賀燒肉谷，佢哋有4個價位嘅放題選擇，可以食到唔同品質嘅牛肉。我哋就揀咗食澳洲和牛海鮮放題，有128品之餘仲可以任飲日本清酒同Sapporo生啤，食足2個鐘，早鳥時段去每位$448。餐廳上菜嘅速度都算快，除咗有牛肉、雞肉、豬肉、羊肉，仲有唔少海鮮同前菜小食可以叫，蔬菜類、水果同甜品都應有盡有，真係非常豐富，而我哋就主打食牛同海鮮。餐廳將牛肉用旋轉樓梯嘅形式上枱，啱哂打卡呃like。澳洲和牛嘅質素唔錯，塊塊肉色澤都好靚，仲有肉味濃郁嘅肉眼芯、油香重嘅特上牛肋肉同肉質腍嫩嘅上級牛胸肉。牛肉又有唔同味道可以揀，好似醬醃、蒜蓉味噌等等。其他好似美國和牛肩胛肉眼同澳洲穀飼牛板腱等等嘅牛肉都好唔錯，煙燻壺漬封門柳醃到好入味。而因為餐廳做緊痛風海祭，我哋叫嘅呢款放題仲會送一份極上海鮮拼盤，入面有日本蠔、鮑魚、蟶子、帆立貝、白鱔同虎蝦各2件。海鮮夠新鮮，日本蠔隻隻肉質飽滿、帆立貝大大隻啖啖肉、鮑魚夠彈牙、虎蝦又多蝦膏。其中日本蠔、鮑魚、帆立貝、虎蝦都可以任叫，仲有原條魷魚筒、鰻魚等嘅海鮮。。。佐賀燒肉谷 (雅蘭中心) (旺角)旺角彌敦道625 & 63
餐廳上菜嘅速度都算快，除咗有牛肉、雞肉、豬肉、羊肉，仲有唔少海鮮同前菜小食可以叫，蔬菜類、水果同甜品都應有盡有，真係非常豐富，而我哋就主打食牛同海鮮。
餐廳將牛肉用旋轉樓梯嘅形式上枱，啱哂打卡呃like。
澳洲和牛嘅質素唔錯，塊塊肉色澤都好靚，
仲有肉味濃郁嘅肉眼芯、油香重嘅特上牛肋肉同肉質腍嫩嘅上級牛胸肉。
牛肉又有唔同味道可以揀，好似醬醃、蒜蓉味噌等等。其他好似美國和牛肩胛肉眼同澳洲穀飼牛板腱等等嘅牛肉都好唔錯，煙燻壺漬封門柳醃到好入味。
而因為餐廳做緊痛風海祭，我哋叫嘅呢款放題仲會送一份極上海鮮拼盤，入面有日本蠔、鮑魚、蟶子、帆立貝、白鱔同虎蝦各2件。
海鮮夠新鮮，日本蠔隻隻肉質飽滿、帆立貝大大隻啖啖肉、鮑魚夠彈牙、虎蝦又多蝦膏。其中日本蠔、鮑魚、帆立貝、虎蝦都可以任叫，仲有原條魷魚筒、鰻魚等嘅海鮮。
。
。
佐賀燒肉谷 (雅蘭中心) (旺角)
旺角彌敦道625 & 639號雅蘭中心地下(部份)及1樓116號舖
。
。
張貼
