影片
更多
2023-08-19
88 瀏覽
前幾日行緊TOP，見到新開咗間餐廳，裝修同個名都幾特別，叫No Money So Lonely，簡稱NMSL🤣 首推「好鬼惹味豬頸肉胡椒飯」。一入口，就感受到豬頸肉嘅鮮嫩，胡椒同辣椒嘅香氣好濃，食落係又香又辣，好過癮！而且個飯炒得好有鑊氣，份量都唔少。「無得輸涼拌茄子」無得輸！茄子爽口，涼拌嘅醬汁醃得好入味，好香口，有少少辣但係無個飯咁辣，清爽中帶少少刺激，係好適合嘅開胃菜。嘢飲方面，試咗「石榴檸檬熱情果沙冰」，熱情果味大過檸檬味，酸酸甜甜，好適合夏天。仲有「芒果椰奶沙冰」，芒果味幾濃，加埋椰奶，成杯嘢好濃厚，飲埋呢杯嘢真係好飽！重點係，呢間餐廳嘅位置真係太方便喇！喺旺角中心行過少少，喺地鐵站行幾步就到，行街行到肚餓，可以過嚟呢度試下，飲一杯沙冰，即係refill返energy，繼續行街！呢間餐廳除咗名特別之外，食物同飲品都幾特別，係出面比較難食到嘅菜式。如果你係泰食控或者想試新口味，咁你一定要嚟呢度食一次，絕對唔會令你失望！
首推「好鬼惹味豬頸肉胡椒飯」。一入口，就感受到豬頸肉嘅鮮嫩，胡椒同辣椒嘅香氣好濃，食落係又香又辣，好過癮！而且個飯炒得好有鑊氣，份量都唔少。
「無得輸涼拌茄子」無得輸！茄子爽口，涼拌嘅醬汁醃得好入味，好香口，有少少辣但係無個飯咁辣，清爽中帶少少刺激，係好適合嘅開胃菜。
嘢飲方面，試咗「石榴檸檬熱情果沙冰」，熱情果味大過檸檬味，酸酸甜甜，好適合夏天。仲有「芒果椰奶沙冰」，芒果味幾濃，加埋椰奶，成杯嘢好濃厚，飲埋呢杯嘢真係好飽！
重點係，呢間餐廳嘅位置真係太方便喇！喺旺角中心行過少少，喺地鐵站行幾步就到，行街行到肚餓，可以過嚟呢度試下，飲一杯沙冰，即係refill返energy，繼續行街！
呢間餐廳除咗名特別之外，食物同飲品都幾特別，係出面比較難食到嘅菜式。如果你係泰食控或者想試新口味，咁你一定要嚟呢度食一次，絕對唔會令你失望！
張貼
