影片
更多
2023-02-25
60 瀏覽
之前喺Freshlane食過西餐，今次就輪到中菜，店舖名叫「女鍋」，佢主打住家菜，即係家的味道。佢所提供嘅菜式幾特別，唔係四周圍都食到，而且以小菜為主，並唔係客飯，即係適合加餸，等阿媽煮少樣。滋味沙嗲牛腩邊($68)，牛腩煲超正，大大盒，無論汁定肉都勁多。沙爹味香而不辣，但並唔係東南亞沙嗲串燒嗰種。牛腩邊似鮮牛肉片，不過肉質就係一絲絲，出奇地幾嫩滑。香煎蓮藕釀蝦米鯪魚肉餅($48)，呢個係真蓮藕餅，面頭有一片完整蓮藕，造型逼真。鯪魚肉餅唔腥，落咗蝦米增添香氣，而且仲有粒粒爽脆蓮藕。香脆金沙軟殼蟹($78)，軟殼蟹好巨型，外層經油炸，並蘸上鹹蛋黃金沙醬，幾惹味。不過我就略嫌炸皮唔夠脆，偏硬少少。黃金鮮蝦腐皮卷($28)，腐皮卷有兩條，腐皮炸得酥炸，配上喼汁食，好搭調。腐皮包裹蝦蓉，雖然無原隻咁爽彈，但蝦香更勝一籌。總括嚟講，高手在民間，佢嘅菜式別具特色，沙嗲牛腩煲同鯪魚肉餅絕對值得一試。佢另外仲設有套餐同盆菜，有機會可以幫襯下！
之前喺Freshlane食過西餐，今次就輪到中菜，店舖名叫「女鍋」，佢主打住家菜，即係家的味道。
佢所提供嘅菜式幾特別，唔係四周圍都食到，而且以小菜為主，並唔係客飯，即係適合加餸，等阿媽煮少樣。
滋味沙嗲牛腩邊($68)，牛腩煲超正，大大盒，無論汁定肉都勁多。沙爹味香而不辣，但並唔係東南亞沙嗲串燒嗰種。牛腩邊似鮮牛肉片，不過肉質就係一絲絲，出奇地幾嫩滑。
香煎蓮藕釀蝦米鯪魚肉餅($48)，呢個係真蓮藕餅，面頭有一片完整蓮藕，造型逼真。鯪魚肉餅唔腥，落咗蝦米增添香氣，而且仲有粒粒爽脆蓮藕。
香脆金沙軟殼蟹($78)，軟殼蟹好巨型，外層經油炸，並蘸上鹹蛋黃金沙醬，幾惹味。不過我就略嫌炸皮唔夠脆，偏硬少少。
黃金鮮蝦腐皮卷($28)，腐皮卷有兩條，腐皮炸得酥炸，配上喼汁食，好搭調。腐皮包裹蝦蓉，雖然無原隻咁爽彈，但蝦香更勝一籌。
總括嚟講，高手在民間，佢嘅菜式別具特色，沙嗲牛腩煲同鯪魚肉餅絕對值得一試。佢另外仲設有套餐同盆菜，有機會可以幫襯下！
張貼
