影片
更多
2022-12-07
54 瀏覽
食咗3樣野，一個全日早餐，一個主菜，一個甜品。呢3樣野都各有特色，同埋啲食物嘅生熟度，控制得好好。全日早餐，個黑松露炒蛋好鬼滑，同澳牛相比，有過之而無不及。個煙肉又煎得啱啱好，唔濃。同埋個多士，原來係用排包整，感覺好特別。黑椒大蜆手工麵，個黑椒汁偏辣，可能多生洋蔥，(我係食三哥10小辣嘅level)。不過個汁係好食嘅，好夾個手工麵，整體感覺好fresh，同埋唔似其他餐廳，成日用白汁，佢呢個汁好有新鮮感。再講吓個蜆，夠大隻，煮得剛剛好，唔韌，同埋重點係冇沙（呢個好重要）。配埋個黑椒汁好夾，冇咗海鮮腥味，完美組合。手工麵掛上少少黑椒汁，仲有少少海鮮嘅味道，好味。芋泥紅豆梳乎里，呢個有驚喜，芋泥甜度剛剛好，又唔會冇味，個紅豆爆珠，咬落有卜一聲，入面包住粒紅豆，超特色，又好食。最正係主角梳乎里，動L咁出塲，鬆，但個心又唔會生，又係剛剛好熟嗰種，配埋個芋泥一齊食，簡直perfect👍, 推介
全日早餐，個黑松露炒蛋好鬼滑，同澳牛相比，有過之而無不及。個煙肉又煎得啱啱好，唔濃。同埋個多士，原來係用排包整，感覺好特別。
黑椒大蜆手工麵，個黑椒汁偏辣，可能多生洋蔥，(我係食三哥10小辣嘅level)。不過個汁係好食嘅，好夾個手工麵，整體感覺好fresh，同埋唔似其他餐廳，成日用白汁，佢呢個汁好有新鮮感。再講吓個蜆，夠大隻，煮得剛剛好，唔韌，同埋重點係冇沙（呢個好重要）。配埋個黑椒汁好夾，冇咗海鮮腥味，完美組合。手工麵掛上少少黑椒汁，仲有少少海鮮嘅味道，好味。
芋泥紅豆梳乎里，呢個有驚喜，芋泥甜度剛剛好，又唔會冇味，個紅豆爆珠，咬落有卜一聲，入面包住粒紅豆，超特色，又好食。最正係主角梳乎里，動L咁出塲，鬆，但個心又唔會生，又係剛剛好熟嗰種，配埋個芋泥一齊食，簡直perfect👍, 推介
張貼
