茶聊

營業中

休息中

有朋友推薦，上網又見到有杯飲品好特别，今個禮拜特登去試下。小熊摩卡🐻用Expresso特製嘅冰熊放係杯上面，底下有朱古力同水，再自己淋Expresso同牛奶😚睇住隻熊仔溶化好治愈黑糖珍珠鮮奶🥛奶味好濃，珍珠好足料有咬口，建議食完嘢先好飲，會好飽🤣風乾德國脆豬手🐷👋係啲餐廳食過幾次豬手都麻麻，又硬又鹹，但係今次呢個值得推薦。豬手起咗骨食得方便，皮脆肉嫩又唔鹹，打破我對豬手嘅偏見。薯角都好脆好熱，明顯係新鮮即炸嘅🍟海王櫻花珍寶巨蝦配龍蝦忌廉汁意粉🦐意粉煮得啱啱好，軟硬適中🍝龍蝦汁好香，又冇腥味🦞隻珍寶蝦起咗蝦殻，用櫻花蝦包住炸，酥脆又冇油膩🍤開心果巴斯克🧀好creamy嘅口感☺開心果味唔濃，芝士味更重，就算係我呢啲唔太鐘意食開心果嘅人都食到😃維也納朱古力卷蛋配焦糖脆脆🍰聽講蛋糕係特登請師傅做嘅😆朱古力味好濃好香🍫唔會太甜，中間嘅cream好滑，海綿蛋糕夠鬆軟🥳不過焦糖脆脆有啲厚同硬，但係唔影響個蛋糕成為我呢餐最鐘意嘅食物🥰餐廳嘅環境幾靚，服務都唔錯👍揾日再去試埋其他，下次食個鳥籠Burger先。