雲來軒 (已結業)

一去到門口，估唔到有咁多明星既相，睇黎好多明星都曾經黎捧場我地首先每人叫左一個功夫湯《日本花菇雞腳燉螺頭》$68 同埋《花旗參石斛燉龍芝躉頭尾》$78，功夫湯用上紫砂壺盛載，非常特別，飲果陣可以好似茶咁倒出黎細細杯咁飲，非常方便。义燒實在無得彈，肥瘦分明，咬落juicy 多汁金磚豆腐外脆內軟，配搭埋椒鹽一齊食，係極佳嘅佐酒小吃。大家睇到豆腐炸完依然係好滑身煮呢款餸用左梅醬都幾特別，酸酸地非常開胃，加上班頭腩炸得香脆，真係食到唔停口海鮮兩面黃係類近肉絲炒面嘅菜式，不過肉絲則改為班片、鮮蝦，芽菜則改為三色椒。面炸得恰到好處，而且油份不多，以往喺酒樓食完之後，碟面都會有大量油份剩低，但呢碟海鮮兩面黃只有少量油份剩餘，令我對炸面唔健康嘅形象改觀。30 年陳皮紅豆沙入口好似食緊芝麻糊一樣，每一啖都有陳年果皮嘅味道，鐘意食紅豆沙嘅朋友一定要點黎試下。