潮州合成甜品

營業中

休息中

終於明白點解合成糖水會叫合成，因為所有糖水都係自我組合，任你點溝都得。呢晚我就叫咗一碗：蓮子綠豆邊清心丸薑汁糖水，本來想要埋馬蹄沙，但係姐姐話馬蹄沙同薑汁唔夾，最後我都係揀咗薑汁，因為秋天已經到啦。呢碗糖水夠薑味，清心丸亦都好好咬口，而蓮子同綠豆邊都係粉粉地非常之好食。成碗糖水唔會過甜老實講真係幾唔錯。而同伴就叫左一碗：椰汁芒果馬蹄沙。呢碗有好多冰，食到最尾真係水汪汪。睇芒果個樣都係非常之熟應該好甜，但係馬蹄沙就冇無話啖啖馬蹄，比較稀。最後埋單都係幾十蚊，飯後吃一碗真係唔錯，唔想食啲Fusion嘅甜品，呢間都係可以一試。