Outdark (H8)

營業中

休息中

一入到嚟餐廳，見到漫天星星，好浪漫呀！餐廳以木燈嘅卡座形式為主，牆上掛滿了鎖頭，燈光微暗，好有氣氛。餐廳喺韓國已經有65間分店，將正宗韓國的啤酒炸雞帶來香港。蜜糖蒜香炸雞由於臨近萬聖節，炸雞配上南瓜型的薯條，和插了蝙蝠和南瓜的牙籤，為萬聖節增添氣氛。半份炸雞份量都不少，足夠兩個人食。炸雞外皮鬆脆，內裏肉汁豐富，配上甜甜香香的蒜香蜜糖，特別嘢味。海鮮煎餅好鍾意食海鮮煎餅嘅大葱，每次去韓國餐廳道必點！可惜煎餅粉漿過多，煎餅比較淋身，適合喜歡吃淋餅的朋友。韓式炒粉絲用料豐富，唔好睇細細碟，有好多粉絲，牛肉和配料。美中不足是都是比較淋身，粉絲不夠煙靭。藍莓乳酪和草莓乳酪這兩杯絕對有驚喜，不會假甜和藥水味，是新鮮的果肉，絕對推介！個人更喜歡藍莓味。最後餐廳整體質素都不錯，侍應服務有親切有禮，韓式打扮的後生女，更有韓國人在場，以為自己飛咗轉韓國。