沙嗲軒 (中港城) (已結業)

話說最近喺海港城開咗一間鹹蛋魚皮pop up store, 日日排長龍D人都係為咗搶佢嘅鹹蛋魚皮,雖然魚皮日日好快就賣曬,但係總算可以試下佢哋嘅鹹蛋薯片,係正嘅~~嚟到週末自然而然就想試下新加坡風味, 見到啲食評唔錯, 於是搵食搵到嚟沙嗲軒...呢間餐廳分別有室內同露天嘅座位, 環境幽靜, 一入到嚟坐低侍應就拎咗碟蝦片當餐前小吃， 微微辣幾醒胃。今晚叫咗個二人餐, 除咗指定嘅沙爹串,海南雞,同埋麥皮牛油大蝦(大蝦分別有麥皮牛油大蝦同胡椒大蝦兩款選擇), 仲可以自選一款風味菜式。首先嚟嘅係沙嗲串,有豬串又有雞串, 沙嗲串熱辣辣配埋佢足料嘅沙嗲醬,真係好夾! 個人比較喜歡豬肉串, 因為係豬肉中間滲出啖啖油香, 零舍惹味!跟住嚟嘅係海南雞, 得到嘅係雞胸部位, 完全冇諗過可以咁嫩滑, 配埋佢嘅黑醬油, 真係好好味!再嚟係麥皮牛油大蝦,大蝦炸得好香口, 少少牛油香味唔太搶之外蝦肉仲彈牙~麥皮又好脆口, 忍唔住空口食咗幾啖添。食到一半福建炒麵都嚟埋, 配料有蝦同魚片, 每條油麵都掛到佢嘅芡汁, 好好食~始終都係炒油麵, 最後有啲油留係個碗, 不過比吞落肚好呀 XD最後係甜品有椰汁黑糯米, 充滿椰