土司工坊 (PopCorn) (已結業)

天氣回暖，中午呢餐唔想食飯，結果去左食粉麵，但又唔想食潮州粉麵，所以去左食土司工坊，叫左完星州喇沙，貪佢夠野味。佢湯底少少辣，帶啲椰香，啲麵吸左啲湯都幾好味，餸雖然唔多，但隻蝦夠爽口，雖然蝦尾有売，而炸魚蛋都有魚味，食落唔會成口粉，個麵加埋啲芽菜，吸左湯、爽爽地，最好味係豆腐卜，吸晒湯底既味，而且豆腐卜亦無油淋淋既感覺，夠乾身。總括而言，餸同麵都唔算多，但味道唔錯，係份量細左啲，食完未到晚飯會肚餓，而價錢方面，以$60左右包野飲算係咁，另外佢杯咖啡甜甜地幾好飲。