影片
更多
2015-07-26
953 瀏覽
5月底的時候去過, 那時候試業緊, 未開openrcice, 而家終於開o左, 可以寫番啦!!某個星期六落大雨, 又約o左要出o黎整o野, 匆忙狼狽下同朋友去o左一幢好多cafe的大廈, 總會有一間o岩心水! 因為冇乜idea, 睇水牌見到呢個名同logo好吸引 (個人很喜歡月亮星星之類的東西), 就拉o左朋友一齊上去!上到去冇人, 門口貼住試業中, 都有少少驚會中伏! 窗邊有一排星星燈o係度閃, 然後竟然俾我發現o左有一排美少女戰士的公仔!!! *v* TV仲播緊美少女的歌!! 即刻唔理三七二十一衝o左入去尖叫了!! 咁朋友只好跟住入o黎~ 哈哈!呢set美少女我屋企都有呀! 問o左, 可以任影!! 排出o黎好靚! 好正呀!! 已經冇乜心情理究竟食物等等o岩唔o岩食! 哈哈! 朋友係咁叫我揀o左食乜先去睇, o野食方面只有pasta、幾款小食咁, 應該係試業中, 所以選擇唔多! 有4款pasta整o左做lunch, $60包o野飲, 都ok! 本來想叫煙三文魚意粉, 但lunch set沒有, lunch唔想咁貴, 所以就點另一個蜆肉意粉, 轉長通粉唔洗加錢, 就轉了長通粉~ g
某個星期六落大雨, 又約o左要出o黎整o野, 匆忙狼狽下同朋友去o左一幢好多cafe的大廈, 總會有一間o岩心水! 因為冇乜idea, 睇水牌見到呢個名同logo好吸引 (個人很喜歡月亮星星之類的東西), 就拉o左朋友一齊上去!
上到去冇人, 門口貼住試業中, 都有少少驚會中伏! 窗邊有一排星星燈o係度閃, 然後竟然俾我發現o左有一排美少女戰士的公仔!!! *v* TV仲播緊美少女的歌!! 即刻唔理三七二十一衝o左入去尖叫了!! 咁朋友只好跟住入o黎~ 哈哈!
呢set美少女我屋企都有呀! 問o左, 可以任影!! 排出o黎好靚! 好正呀!! 已經冇乜心情理究竟食物等等o岩唔o岩食! 哈哈! 朋友係咁叫我揀o左食乜先去睇, o野食方面只有pasta、幾款小食咁, 應該係試業中, 所以選擇唔多! 有4款pasta整o左做lunch, $60包o野飲, 都ok! 本來想叫煙三文魚意粉, 但lunch set沒有, lunch唔想咁貴, 所以就點另一個蜆肉意粉, 轉長通粉唔洗加錢, 就轉了長通粉~ good! 朋友不喜歡白汁, 就點了雞肉茄汁意粉~
奇異果梳打
74 瀏覽
1 讚好
0 留言
蜆肉忌廉長通粉
81 瀏覽
0 讚好
0 留言
雞肉茄汁意粉
135 瀏覽
1 讚好
0 留言
北海道牛奶布甸
$5
89 瀏覽
1 讚好
0 留言
cafe都係沙發位, 好舒服! 但同枱的高度有少少距離, 食o野同做o野的時候感覺比較高, 要坐直先ok~
雖然落大雨唔算勁熱, 但o係街行上o黎都興興地, 冷氣初初覺得唔太夠 (可能因為開住門?), 但坐坐下係ok的, 應該係開o左環保溫度, 我們由1點幾坐到5點幾, 坐o左幾個鐘都唔會熱或者凍得滯~ lunch都係60蚊再加一, hea係一流!
走的時候, 店員可能見我好鍾意美少女, 所以話遲o的會有多o的星星裝飾同主題的甜品, 可以留意佢o地fb的更新! 好! 為o左美少女, 搵日再o黎! (誤)
題外話/補充資料：
寫呢篇o野的時候已經過o左個幾月 (因為去完想寫的時候o係openrice搵唔到), 唔知而家出o左甜品未? 好期待! (但仲未搵到時間可以再去! ><)
(以上食評乃用戶個人意見 , 並不代表OpenRice之觀點。)
張貼
