家賀屋

今日星期日，我同朋友去咗銅鑼灣一間樓上嘅日式餐廳，聽講有set lunch，一入去，餐廳環境優雅，氣氛輕鬆。我叫咗一個一夜干定食，套餐包括茶碗蒸同沙律。茶碗蒸上嚟時，色澤金黃，裡面有冬菇、蜆肉同埋帆立貝，真係好足料！咬落去滑滑嘅，味道鮮甜，特別係蜆肉嘅鮮味，暫時係我食過最好食嘅茶碗蒸！另一個朋友選咗一個八貫壽司定食，壽司有中拖羅、赤身、帆立貝、吞拿魚蓉同鯛魚等等，色彩繽紛，令人一見就想食！同樣都有茶碗蒸同沙律，咁多款壽司食落去，每一口都充滿海鮮嘅鮮味，特別係中拖羅，油脂分佈好均勻，入口即化！我哋仲加咗錢要做一個芝士蛋糕作為甜品，蛋糕上面嘅芝士味道濃郁，$15雞好抵食！此外，我哋仲叫咗幾款小食，包括白酒牛油煮蜆、雞肉軟骨棒同埋一個期間限定嘅海膽龍珠卷。白酒牛油煮蜆香氣四溢，蜆肉鮮嫩，味道非常夠味！雞肉軟骨棒燒得金黃香脆，肉質鮮嫩，仲有原隻蛋黃俾我點！而海膽龍珠卷就更加驚喜，裡面有吞拿魚蓉同圓角蛋黃，口感滑順，海膽嘅鮮味真係令人驚豔，因為期間限定，所以唔知下次有冇得食！飲品方面，我叫咗一杯酒精特飲，係蜜桃酌酒，飲落去甜甜地，果味濃郁，啤酒味又唔會太重，真係好清新！最後，我哋再叫咗一個蘋果雪