薄餅博士 (已結業)

今晚2個人，遇著星期二，有優惠，指定大批款只是$59，即大概半價。叫了夏威夷千島醬大批，另加$17芝心批底，扺到爛。落打後等左10分鐘就有得取，行返屋企，打開個盒，熱辣辣，天氣轉涼，拎住辣手的薄餅，實在無得頂!👍 上面再鋪多4一5包芝士粉，扯開薄餅，有拉芝士效果，而且批邊包住芝士，較落軟林林，又有芝士味，比平時乾到嚡的包邊吾同，而且千島醬夠惹味，咬落每啖都令人有份滿足感。😋再叫了個拿破倫雞皇意粉，拿破倫汁有豐富香草味，非一般茄汁充砲艇，而且有小小黑椒，令人有暖和感覺，也提升了整個醬汁的層次，意粉咬落彈牙，吾會林，雞肉青椒及磨菇也先抄得香口，唯獨雞肉及磨菇份量少了一點點。大慨$100，2個人食得飽飽的，又好味，抵呀~