割烹 櫓杏 (iSQUARE國際廣場)

營業中

休息中

今日唔使OT，又系星期五，諗住去食餐好嘅獎勵嚇自己辛苦。公司啱啱喺尖沙咀附近，我就諗起我之前食過嘅日式餐廳。嗰度啲嘢食到依家我都好難忘，非常之好食，而且擺盤又靚，隨便影都咁靚。所以就諗住去嗰度食埋晚餐happy hour嚇。櫓杏特製火炙鯖魚棒壽司配海苔真係好得意！鯖魚棒帶咗唔同嘅口感，食落仲帶有魚油香味，令味道更加正！仲要加埋厚實嘅海苔做搭配，正到冇朋友！炸牛蒡帶住微微嘅鹹味同埋香味，食落特別爽口！而且食飽之後食，更加放鬆！蘆北名物 太刀魚味醂乾系我最快食完嘅一道菜！因為廚師炸得實在系太脆，非常爽口，好似自己喺度食零食咁！鹿児島式豚肉蔥涮涮鍋嘅湯好香，淥咗豚肉之後，仲帶住甜味，成個味道更加濃郁，好正！仲有啲菜都好新鮮，食落特別爽，系好完美嘅搭配！一個人嘅happy hour真係好正！我下個星期仲要嚟呢度放鬆食埋晚餐！