Five To One

營業中

休息中

星期六約咗速剪(髪)前行過見到新咖啡店，裝修清新簡約，店內亦坐滿人。見感覺良好試吓。大約1:25pm入坐，1:30pm左右點餐。叫咗杯青森系蘋果梳打，軟殼蟹滑蛋包/三文治，諗住叫多杯Expresso tonic (冇)，Flat White (冇)，咁要Latte啦，有冇soy milk？（冇)，咁牛奶啦⋯先發現原來唔係傳統咖啡店。等咗10分鐘見咖啡未到⋯到1:45pm先連埋其他order送上。以為佢等齊飲品食物先上咁細心，望吓其他人又唔係🙄因為約咗兩點速剪，趕快飲咗半杯1:50pm就起行。友人坐低慢慢享用。2:20pm返到咖啡店發現友人唔見咗？？原來佢2分鐘前因壓力下被迫離開？？佢話店員一食完就收碟，見杯咖啡飲剩一半就問凍咗係咪唔要？？最後喺唔好意思情況下離開⋯明白生意角度假日做多幾轉，合情合理。但消費者角度，去得咖啡店都唔係諗住被趕時間。喺勝利道一個咁寧靜嘅環境，坐一個鐘就比壓力客人，真心冇下次。