Vivere

營業中

休息中

銅鑼灣vivere嘅環境真係幾舒服。餐廳有大玻璃，食飯嘅時候可以望到維港嘅靚景，星期日過嚟chill吓，真係一流。我哋首先叫咗柚子汁牛肉他他做前菜，牛肉他他配上柚子汁，味道出乎意料咁夾，仲有脆卜卜嘅薄脆片，一齊食口感好豐富。之後我哋試咗24個月熟成巴馬火腿配流心水牛芝士，嗰個Burrata芝士真係好滑，好香濃，完全係芝士迷嘅福音。炸軟殼蟹真係外脆內軟，肉質嫩滑，好香嘅蟹味。串燒方面我哋叫咗幾款，包括牛舌心、免治雞軟骨串配日本蛋、燒鱔同翠玉瓜。呢幾樣串燒真係冇得輸，外脆內軟，火喉掌握得啱啱好，特別係牛舌心同翠玉瓜，咬落去仲係Juicy，免治雞軟骨串配埋日本蛋都係非常香濃，味道好豐富。主菜我哋叫咗虎蝦冬陰功扁意粉，虎蝦大大隻，肉質彈牙，冬陰功嘅湯底酸辣得嚟好惹味，同意粉一齊食，真係停唔到口。最後叫咗一杯凍Latte同凍Cappuccino，咖啡嘅質素唔輸蝕，整體嚟講，呢度真係一個值得推介嘅chill食西餐嘅好地方。