星怡

營業中

休息中

晚上去左黃大仙搵食，見到呢間星馬餐廳#星怡，好想食下海南雞，見餐牌除泰菜，仲有中式小炒，感覺應該都唔錯，於是便進入開餐囉！新加波海南雞飯轉白飯，是我地預期的味道，雞🐓皮薄爽口，髀位肉質滑溜，胸位的肉質都唔會好鞋。醬汁剛好會不過咸，加入飯內一齊食就是很好味😊。特級北海道帶子鮮蝦喇沙麵-轉米粉，喜歡飲湯的我們，首先飲左啖湯先，湯底夠濃郁可口，帶點辣有蝦的鮮甜同椰香的味道，帶子厚身，鮮蝦都大只，質感彈牙爽口，米粉的質感幾滑也都不錯。雞肉咖哩酥，餡料的咖哩雞濃郁惹味，酥皮香酥脆口，即叫即做熱辣辣。飲品是凍咖啡同解渴的梳打水。