影片
更多
2013-04-01
59 瀏覽
******************************是日拉麵品評：1. 博多一幸舍2. バリ男。超男BARIO3. 東京忍者******************************今日是開❤試新美食日！之前約左媽媽同佢試嘢食~應承左佢會帶佢試下啲濕口嘢同雞蛋仔~搵呀搵~諗丫諗~不如叫埋爸爸一齊三個人去Ramen Champion 試下唔同拉麵店啦！我地都未食過Ramen Champion 的, 三個人去一次過可以試多啲！爸爸話okay~yeah! 出發！我地三人行11點多12點去左恒豐中心地庫既Ramen Champion 食場！原來佢開11點半, 我地在佢剛營業無耐抵步, 我地三個人兜左一圈~未有乜客人~店員們~尤其黎自日本既店員同師傅好熱情招呼我地~又好耐心咁介紹~氣氛一級棒丫！感覺好好~好似真係置身日本既食場咁丫！ 我地選左東京忍者~因為佢係唯一一間驟眼睇落有黑蒜豬骨湯底既拉麵店~之前同媽媽提過黑蒜汁~難得哩度都有得試~就選左哩間哩! 東京忍者既黑蒜豬⻣湯叉燒拉麵！佢用既係厚度適中(3間裡邊中間既厚度),大圓一片既肥叉燒！肥瘦肉各佔一半！肥同瘦既紋路配合得好平均~令
是日拉麵品評：
1. 博多一幸舍
2. バリ男。超男BARIO
3. 東京忍者
******************************
今日是開❤試新美食日！
之前約左媽媽同佢試嘢食~應承左佢會帶佢試下啲濕口嘢同雞蛋仔~
搵呀搵~諗丫諗~不如叫埋爸爸一齊三個人去Ramen Champion 試下唔同拉麵店啦！我地都未食過Ramen Champion 的, 三個人去一次過可以試多啲！
爸爸話okay~yeah! 出發！
我地三人行11點多12點去左恒豐中心地庫既Ramen Champion 食場！
原來佢開11點半, 我地在佢剛營業無耐抵步, 我地三個人兜左一圈~未有乜客人~店員們~尤其黎自日本既店員同師傅好熱情招呼我地~又好耐心咁介紹~
氣氛一級棒丫！
感覺好好~好似真係置身日本既食場咁丫！
我地選左東京忍者~因為佢係唯一一間驟眼睇落有黑蒜豬骨湯底既拉麵店~之前同媽媽提過黑蒜汁~難得哩度都有得試~就選左哩間哩!
東京忍者既黑蒜豬⻣湯叉燒拉麵！佢用既係厚度適中(3間裡邊中間既厚度),大圓一片既肥叉燒！肥瘦肉各佔一半！肥同瘦既紋路配合得好平均~令人咬每個位置都可以肥瘦都食到~而且肥既地方處理得好好~入口即溶~脂肪既棉滑感融入左瘦叉燒裡邊~配合得好好！
同時黑黑既黑蒜湯底在蒜味中滲透出清甜味~湯身亦無俾肥叉燒整到好多油浮面好油膩~爸爸最鐘意哩個湯！我覺得湯底可以做到稠身一啲好似博多湯底既質感會仲好哩！
拉麵有半隻溏心蛋~蛋黃配合黑蒜豬骨湯~令蛋黃本身多一份清甜少一份餾既感覺！
個拉麵另外配上紫菜~芽菜~香蔥~超甜粟米粒同埋好多黑蒜粒粒~好有口感~好香甜好味丫！
拉麵既重點：麵底係用左綠色既蕎麥拉麵,係最常見買到既拉麵麵線~係韓國辛辣麵既粗幼度。隻麵線掛湯力一般~軟硬度適中~嚼頭一般~不過爸爸就最喜歡哩隻麵既粗幼度同軟硬度！
三間拉麵店各有特色！
一次過試曬三種不同粗幼,不同軟硬既麵底！又俾我地試到三種厚度~三種唔同肥瘦~件數同形狀既叉燒！
同時又試左三款不同濃稠度同味道既湯底~有特濃稠豬骨湯, 黑蒜豬骨湯, 同埋味噌豬骨湯！
三款不同口味既溏心蛋~仲有各有特式既隨麵配料哩: 幼麵有木耳香蔥，中麵有粟米紫菜芽菜黑蒜香蔥，粗麵有椰菜芽菜~!
** 爸爸媽媽因為食左少少嘢先出黎, 好快停左手, 結果每碗剩番大半有多俾我可以左溝右撈左配右撘咁用我最愛既Crossover食法品味一番！
我發現將東京忍者既黑蒜豬⻣湯底撈埋博多一幸舍既濃稠豬骨湯底個湯變得既濃稠又清甜，好正正丫！
整體評分之東京忍者篇 (只計我個人喜好)
麵底：7/10
叉燒：5/10 (太肥同得一片)
湯底：7.5/10 (清甜但稀左啲)
溏心蛋：8/10 (入味同配撘黑蒜汁得宜但僅得半隻)
其他配料：9/10 (超愛甜粟米粒和黑蒜粒粒)
平均：7.3/10
服務店員印象分：7/10
題外話/補充資料：
在這裡每人是憑咭點麵的！點完麵過後, 麵店會俾一部電子機顧客, 當麵拎得既時候~手上既機就會閃紅色燈同咇咇聲提示去取食物~
等麵其間, 顧客可以四圍睇~四圍逛或者隨意坐~唔駛客人呆企喺店前等叫號碼~亦免得每間拉麵店各嗌各號碼唔知邊間打邊間既麻煩~同時適用於任何國際人士~不用擔心語言不通既問題, 十分貼心哩！
每間拉麵店僅售自己的食品, 無出售飲品的, 飲品像food court般, 要到中央beverage counter購買的~
爸爸未買拉麵就已經買左杯大Kirin (HK$50)啦！
(以上食評乃用戶個人意見 , 並不代表OpenRice之觀點。)
張貼
