Explorer Fusion Restaurant (已結業)

平時鍾意食嘢嘅我，今日比我搵到呢間餐廳，既可以食到日本餐又可以食到西式嘅食物。兩樣都係我最鍾意嘅！講返食物質素先，三文魚牛油果沙律，味道都唔錯！食得出三文魚係有煙熏味！冇諗過配合埋牛油果味道係甘夾嫁！之後叫咗個三文魚配薯角，三文魚煎得外脆內軟，旦係就有少少油膩，不過配合埋佢嘅沙律醬，味道就中和返少少！日式食物方面，我就叫咗是日精選刺身同埋上級壽司盛盒。壽司就有少少失望，紫菜食起上黎一啲都吾脆，海膽仲有少少偏苦添！而是日精選刺身係網池魚！另外仲叫咗油金魚腩刺身。魚嘅肉質望上去亦都冇變色！食得出係新鮮😋