반찬앤쿡 Banchan and Cook (時代廣場) (已結業)

對上一次嚟時代廣場食嘢，好似已經係好耐好耐之前嘅事，好多舖頭都唔同晒，呢間對我來講都係新店之一！店舖設計簡約，有啲文青feel，同朋友黎最啱～呢度有個芝士有骨炸雞，我覺得係芝士控必點嘅！炸雞面頭勁多勁多芝士粉，仲有啲糖霜喺面！每件雞都炸得勁脆，但絕對唔會乾，咬開仲有煙冒出，真係新鮮熱辣辣，雖然件數唔少，但好快就俾大家都K.O.左。聽人講呢度蛋包飯都好受歡迎，又點咗烤牛肉蛋包飯試吓，半熟蛋但放喺炒飯上面，侍應用𠝹刀輕輕一𠝹滑嘟嘟嘅雞蛋隨即滑落滿滿咁覆蓋著炒飯，感覺好療癒！連埋牛肉同甜甜地嘅醬汁一舀入口，有層次又香甜嘅味道，牛肉大大份又煮得軟淋，唔怪得見到咁多枱都點蛋包飯！醬燒黑毛豬白切肉配大醬生菜嘅黑毛豬大大塊，都有相當厚度㗎，將黑無豬片擺上生菜，配上香口惹味嘅大醬，不只顏色對比搶眼，食落有層次又無咁漏，鍾意嘅仲可以加埋伴碟嘅Kimchi，甜甜地又辣辣地，惹味～～最後點個韓式雜莓牛角包窩夫，切開見到中層真係好似牛角包咁一層層充滿空氣感，伴碟有厚厚嘅忌廉同埋士多啤梨仲有藍莓，食完令人覺得好甜蜜！係一個幾有份量嘅甜品！鍾意打卡之嘅朋友唔可以錯過呢度嘅士多啤梨紅桑子梳打，漸變顏色好夢幻！另外濟