影片
更多
2024-02-26
25 瀏覽
沃川自家料理 • 尖沙咀今次到訪嘅呢間日本居酒屋屬於比較高級嘅餐廳選擇之一，食材種類會比較新穎豐富，菜式亦算日式料理當中較為精美，幾適合同良朋知己收工聚餐暢談，或者節日慶祝。😋😋..✅ 汁煮白梅貝 🐚 白梅貝係香港日式料理餐廳比較少見嘅貝類，而常見於日本關東地區，肉質較爽彈帶少少嚼勁，加上醬油煮成醬汁，類似關東煮風味，食出淡淡鮮美😙..✅ 刺身拼盤 🐟今次呢個刺身拼盤並唔係菜單菜式，而係散叫左鯛魚、生蠔、鮟鱇魚肝、白子、帶子拼埋而成，鯛魚係薄切，晶瑩剔透而帶鮮甜；生蠔飽滿，腥氣唔重，反而略帶甜味；魚肝煮完再略為壓成扁圓形，軟滑質感而魚腥味唔濃；白子正常；帶子亦非常鮮美，口感帶少粘糯。整體新鮮，魚生款式多，推薦😙..✅ 串燒 （雞肝、雞股、牛舌、柚子鹽燒白鱔、銀杏) 🍢雞股俗稱「七里香」，相當肥嫩，燒完將油香發揮極緻；雞肝結實，味道較為濃烈；牛舌軟稔，鹽燒白鱔肉質非常滑而爽彈，類似慢煮質感，加上柚子汁辟腥提鮮；銀杏煙軔，正常😝..✅ 蕃茄豚肉卷串 🐷蕃茄帶少少沙沙質感，唔酸但非常甜，同燒豚肉片好夾👍🏼..✅ 海中蝦&粟米天婦羅 🍤海老肉質結實，係代表新鮮嘅結實，肉味鮮甜；粟米出乎意料之外
今次到訪嘅呢間日本居酒屋屬於比較高級嘅餐廳選擇之一，食材種類會比較新穎豐富，菜式亦算日式料理當中較為精美，幾適合同良朋知己收工聚餐暢談，或者節日慶祝。😋😋
.
.
✅ 汁煮白梅貝 🐚
白梅貝係香港日式料理餐廳比較少見嘅貝類，而常見於日本關東地區，肉質較爽彈帶少少嚼勁，加上醬油煮成醬汁，類似關東煮風味，食出淡淡鮮美😙
.
.
✅ 刺身拼盤 🐟
今次呢個刺身拼盤並唔係菜單菜式，而係散叫左鯛魚、生蠔、鮟鱇魚肝、白子、帶子拼埋而成，鯛魚係薄切，晶瑩剔透而帶鮮甜；生蠔飽滿，腥氣唔重，反而略帶甜味；魚肝煮完再略為壓成扁圓形，軟滑質感而魚腥味唔濃；白子正常；帶子亦非常鮮美，口感帶少粘糯。整體新鮮，魚生款式多，推薦😙
.
.
✅ 串燒 （雞肝、雞股、牛舌、柚子鹽燒白鱔、銀杏) 🍢
雞股俗稱「七里香」，相當肥嫩，燒完將油香發揮極緻；雞肝結實，味道較為濃烈；牛舌軟稔，鹽燒白鱔肉質非常滑而爽彈，類似慢煮質感，加上柚子汁辟腥提鮮；銀杏煙軔，正常😝
.
.
✅ 蕃茄豚肉卷串 🐷
蕃茄帶少少沙沙質感，唔酸但非常甜，同燒豚肉片好夾👍🏼
.
.
✅ 海中蝦&粟米天婦羅 🍤
海老肉質結實，係代表新鮮嘅結實，肉味鮮甜；粟米出乎意料之外，非常鮮甜多汁，絕對推薦！😋
.
.
✅ 田樂豆腐 🥠
豆腐經油炸，外皮焦脆而入而非常外汁，外表帶甜味，唔錯
.
.
另外仲有芥末八爪魚同蕎麥麵，呢度就唔逐一同大家細味，有興趣嘅朋友仔可以去餐廳試一試。
張貼
