牡蠣小屋

營業中

休息中

北海道蠔($128)，日本直送既生蠔非常肥美大隻，這款蠔勝在creamy幼滑口感。岩手蠔($168)，比北海道蠔更加大隻，這款蠔勝在味道，海水味濃郁，蠔好鮮味。10款盛合($268)，每款壽司處理得乾淨，而且好鮮甜，最令我回味係中拖羅，入口即溶口感仍在腦海記憶中，牡丹蝦新鮮，有黏牙感覺，其餘幾款壽司既魚生都好爽口，而且冇筋。Kugura彩虹魚生飯($198)，用樽裝住食材幾特別，可以擺設自己心目中最靚既魚生飯，店鋪出名既係蠔，這個飯當然唔少得，海膽鮮甜香滑。牛舌(鹽燒)($48)，燒得好好，唔會乾身，咬落亦有咀嚼口感，油脂香味在口腔滲出。雞肝(汁燒)($38)，軟綿綿，口感同豬潤很似，配搭埋店家個醬汁好惹味。雞柳梅(鹽燒)($38)，面層鋪左梅子醬，酸酸尾尾幾醒胃，雞柳鎖得住肉汁。