梁記餃子麵坊 (已結業)

之前試過外賣豬扒韭菜餃米線，但冇俾到豬扒，錢就收咗，我已經好嬲，冇去幫襯一段時間。最近間中都有去返，點知外賣又中伏！我在一點左右電話叫咗一個餐，另外再叫一個韭菜餃米線加麻辣，外賣自取。其實電話講嘅時候，聽電話嘅男人已經聽錯，於是我重覆多一次，但聽電話嘅人真係好急，我想問佢幾多錢時，佢已經好快收我線。最後攞外賣時對餐，真係錯咗！韭菜餃加麻辣，冇咗米線，我問佢應該有米線的，佢就大大聲話之前對咗單喎！我係唔鍾意同人嘈嘅，所以算啦，今次真係最後一次，冇下次了！