HOPA House (已結業)

係工廠區想搵餐似樣嘅午餐，基本上都要上樓同訂檯。呢間嘢近碼頭又近我公司，所以都間唔時去幫襯。入面嘅侍應都好好招呼，尤其是女侍應，坐低斟埋水，介紹有咩好嘢食。呢度嘢午餐無揸流，首先個湯，西湯基本上係濃湯，仲話有機湯，每次飲個湯係堅料、濃，唔係溝豆粉個隻。中湯就足料、夠味，仲成日唔同款添。今日食咗個鮮濃蝦湯飯，係濃蝦唔係龍蝦，個湯底係堅濃，濃到有D鹹，但唔會扯到你口喝，不過幾隻蝦就唔夠彈牙嘞。另外叫咗和牛，雖然午餐價錢$138係唔太化算，但牛肉入口鬆軟、香味唔錯，都抵食嘅。最後嘢飲可以飲佢哋嘅薏米水，唔太甜又可以去水，唔錯唔錯