影片
更多
2016-11-21
1174 瀏覽
我住咗何文田超過20年，勝利小廚對於我哋屋企來講係其中一個飯堂，屋企冇煮飯，又會買盒雞飯同海南雞一家人食。星期日菲傭放假？去買一隻海南雞同一盒油飯。 以前喺呢度買飯食飯通常都唔使排隊等位，在某年某月某日突然之間勝利小廚出咗名，多咗好多其他區來嘅食客，亦都好多人將呢間鋪頭嘅海南雞飯同全香港其他食店比較，令到勝利道多咗好多人，呢條街係一條食街，不過食店唔係間間都可以長此做落去......勝利小廚係其中一間喺勝利道屹立不到嘅食店。舊年搬咗屋離開咗何文田區，因為要返返呢區嘅銀行做啲手續，又有機會喺呢區食飯我心裏面有三個選擇1. 勝利小廚 食 海南雞飯2. 龍德樓 食 煲仔飯、燉湯3. 李錦基 食 越南生牛肉粉既然最想食海南雞飯，先一去睇吓勝利小廚有冇位，無位先食其他餐廳~對於我來講，勝利小廚除咗食物好，其實係冇其他配套，所以當你有個心理準備知道要去一間茶餐廳地方食嘢，都係本着一個快快食完一餐嘅心態去。所以我同其他冒名而去嘅食客心態唔同勝利小廚，只係一間我落街食嘅茶餐廳店面嘅左邊有個透明嘅玻璃窗可以見到廚房，令人最印象深刻嘅係咁多年來都係泰國人女廚師斬雞。六點幾，唔使等位入到去，我只係認得收銀個
星期日菲傭放假？去買一隻海南雞同一盒油飯。
以前喺呢度買飯食飯通常都唔使排隊等位，在某年某月某日突然之間勝利小廚出咗名，多咗好多其他區來嘅食客，亦都好多人將呢間鋪頭嘅海南雞飯同全香港其他食店比較，令到勝利道多咗好多人，呢條街係一條食街，不過食店唔係間間都可以長此做落去......勝利小廚係其中一間喺勝利道屹立不到嘅食店。
舊年搬咗屋離開咗何文田區，因為要返返呢區嘅銀行做啲手續，又有機會喺呢區食飯
我心裏面有三個選擇
1. 勝利小廚 食 海南雞飯
2. 龍德樓 食 煲仔飯、燉湯
3. 李錦基 食 越南生牛肉粉
既然最想食海南雞飯，先一去睇吓勝利小廚有冇位，無位先食其他餐廳~
對於我來講，勝利小廚除咗食物好，其實係冇其他配套，所以當你有個心理準備知道要去一間茶餐廳地方食嘢，都係本着一個快快食完一餐嘅心態去。所以我同其他冒名而去嘅食客心態唔同
勝利小廚，只係一間我落街食嘅茶餐廳
店面嘅左邊有個透明嘅玻璃窗可以見到廚房，令人最印象深刻嘅係咁多年來都係泰國人女廚師斬雞。
六點幾，唔使等位入到去，我只係認得收銀個位，咁多年來依然係咁cool，樓面其他叔叔姐姐應該就冇個見過了。
不消半小時，食店已經坐滿客人 ，等如茶餐廳一樣咁嘈咁熱鬧。唔知呢度有幾多係街坊，幾多係其他區域特登來試？🤔
叫小菜或者海南雞飯都跟湯或者飲品。老實講呢度嘅餐湯唔算係乜嘢濃味嘅老火湯，不過多數我都會揀湯，我好喜歡飲中湯。
海南雞飯
$53
28 瀏覽
1 讚好
0 留言
呢碟飯我由細食到大，以前着住校服放學黎食，外買有買過佢，其實我覺得一直以來都係一模一樣。
我有食過其他地方嘅海南雞飯，平心而論，呢度嘅油飯係比較硬身，亦唔算好香，不過人人各有口味，我食慣咗，如果食到太軟身嘅飯或者太重雞油咩飯我會覺得好漏，所以我都接受呢度嘅飯架。
至於海南雞，對於我呢啲最怕麻煩嘅人來講，最大嘅好處係佢冇骨又夠滑，千祈唔好怕肥唔食雞皮！要成件食晒。配有酸辣汁同醬油，點唔點醬汁好個人口味，我喜歡兩樣都點。
時菜炒牛肉
$69
17 瀏覽
0 讚好
0 留言
味道正常，揀呢款餸菜其實我都係想食啲菜健康啲。
至於服務態度方面，呢度嘅店員夠惡夠吋亦都10年如一😂所以一向我都好少同店員交涉，只係會落單、俾錢就完。雖然我見到收銀嗰個人望住我，我認得佢，唔知佢認唔認得我？
總括嚟講，小妹對呢度啊有相當嘅感情，畢竟都係海南雞飯養大我。
寫呢篇食評我主要想表達嘅信息，係我作為何文田多年嘅街坊，我認為呢度嘅食物質素十年如一，大家如果唔好抱極大的期望去試海南雞飯， 其實呢間係正正常常嘅茶記，食物質素都算係中上嘅。平心而論，我相信好多劣評係來自呢度嘅服務態度，普通落單收錢，食完就走人，冇乜街坊人情味。
時移世易，睇住呢度由街坊小店，變成全香港人搵食嘅食店，有變嘅係食客，唔係食物。世事真係好奇妙，畢竟只係＄53嘅海南雞飯餐，何必抱極期望去批評一間小店嘅出品呢？
所以食評真係好得意，有人報導就一窩蜂去試，未去到好高分就已經會劣評，其實期望係傳媒製造出嚟，何必要自己心裡過度期待令自己吃得不愉快？
張貼
