毫無分串陀地串燒酒場

營業中

休息中

話說有晚經過呢頭，咁啱見到開左間食肆，見餓餓地，加上門口個menu有碟頭飯叫，見人少少就衝左入去坐。點知坐低叫嘢，先知道碟頭飯係午市套餐，夜晚係主打串燒，叫飯的話就只得一味「和牛炒飯」。 唉！我見肚仔餓就是旦啦，串燒加碗飯當一餐都可以嘅，咪坐低無走，叫左兩三款串燒同個「和牛炒飯」醫肚。D串燒，印象中其他嘅唔需要等10分鐘，結果我餓住個肚等左20分鐘先開始上第一款⋯⋯可能我見識少啦，原來係要等咁耐先整好。碗炒飯，開頭唔冀望個「和牛炒飯」會足料，咁上到台之後，果然無令我「失望」嘅，因為用眼都好難睇到d「和牛」係邊，食落去都唔知有無「和牛」。呢一餐，咁樣埋單二百幾，其實有啲唔想俾。同時我亦都明白點解間野係「人少少」⋯⋯如果有月光寶盒去時光倒流，我果晚一定食快餐算數。