P.R.C. Ristorante & Caffe (已結業)

今日父親節，終於輪到同晉爸慶祝喇！今晚去左呢間P.R.C食牛扒，環境有情調，座位唔多，可以預早一個月訂位，分兩個時段訂台6:30-8:00/8:00-10:00，已經黎過幾次了，一直覺得佢地牛扒好有水準，最驚喜係今次，薯蓉同配菜好味左咁多既，老闆話轉左廚師，唔怪得喇！每次黎既薯蓉同配菜都淡而無味，今次食得出花左好多心機，好驚喜有咁大改善，一定要講佢地既牛扒，有水準，肉汁甜，晉爸好鐘意食。環境有情調蒜蓉包👍🏻好香好脆口肉眼扒雖然多根筋，但肉汁較甜，我建議6成熟，岩岩好又唔會太生，好味😋配菜改善左好多，薯蓉加左芝士粒，煎得香香脆脆，好好味！西冷牛扒肉味重，夠厚身又大塊，呢個價超值👍🏻👍🏻