影片
更多
2000-10-07
9 瀏覽
時間：6/10 夜晚20:30<br>地點：佐敦山林道"Marco Bistro"<br>人物：V.V,LAI,S,LAI,S女友Constance,改左叫Elmond 的桑田佳佑，當年叫水魚的花澤貓子，朱大班，五十年，CAT 貓仔，貓太同貓女，杯麵仔，apple 同apple 男友Frankie，Winnieqq，Meg，KH，野比伸太，Dormouse,"e" 同Penpen....原本仲會多d.......但係呢鑊有人放飛機wor~果條友就........騎騎~案發經過：上星期V.V 一早放風話今日去Marco Bistro，仲四圍call人，而小弟就負責訂位呢d 瑣碎事...呢間野好似好生意，我星期一打去訂都話仲未confirm 到檯俾我地一大班人。~搞到要搵埋後備餐廳..不過周三有關方面覆左我先放下心頭大石....照去！今日各位飲食男女都算準時~一口氣放十幾人入去有點殺聲震天之感....KH 兄一早在門口為各位點o左菜.....大家坐低叫野飲得喇~不過個四眼女waitress 一眼就認到V.V~佢昨夜黎過..waitress 質問V.V你昨夜黎
<br>
地點：佐敦山林道"Marco Bistro"
<br>
人物：V.V,LAI,S,LAI,S女友Constance,改左叫Elmond 的桑田佳佑，當年叫水魚的花澤貓子，朱大班，五十年，CAT 貓仔，貓太同貓女，杯麵仔，apple 同apple 男友Frankie，Winnieqq，Meg，KH，野比伸太，Dormouse,"e" 同Penpen....原本仲會多d.......但係呢鑊有人放飛機wor~果條友就........騎騎~
案發經過：上星期V.V 一早放風話今日去Marco Bistro，仲四圍call人，而小弟就負責訂位呢d 瑣碎事...呢間野好似好生意，我星期一打去訂都話仲未confirm 到檯俾我地一大班人。~搞到要搵埋後備餐廳..
不過周三有關方面覆左我先放下心頭大石....照去！
今日各位飲食男女都算準時~一口氣放十幾人入去有點殺聲震天之感....KH 兄一早在門口為各位點o左菜.....大家坐低叫野飲得喇~
不過個四眼女waitress 一眼就認到V.V~佢昨夜黎過..waitress 質問V.V你昨夜黎試菜呀?)
撞o岩後面檯有人生日~~唱生日歌我地有幾個都唱埋一份...真係搞到成間餐廳多o左嘈音..哈哈~
講番D 野食先~黎o左個沙律開o左氣,有芝士粉同煙肉在面..但係點解無一樽橄欖油跟住上??? 小弟最愛加大量的橄欖油先過癮..
白酒煮蜆D 蜆尚算肥美，食落好有酒香~~唔錯...
個吉列炸蝦得幾粒幾個人分~女友話食落去無蝦味....伴碟D 沙律用上唔知咩野千島醬..味道有別~
mushroom用上蒜茸牛油煮...好好味...小弟最buy 呢家野..
焗薯皮好大件~~一個女仔食成碟都可以扯白旗......
海鮮墨汁麵用上白汁~唔錯...海鮮都算多.....
牛扒都ok 啦~~每人分得少少....好難講~但係d 番薯都好好食~幾甜,仲有伴碟的栗子都唔好放過~
羊鞍我無食到,,.但係女友話好羶~不過坐我隔離的杯麵仔話無乜野..
姑且聽之.~
龍利扒做得不錯,,,鮮嫩唔"鞋" 口~
好喇........一早同有關方面訂o左四隻朱古力金字塔...佢地話俾唔到多wor~~因為個個都要~師傅做唔切....咁無計啦~叫多少少甜品啦~
見到個金字塔一諗起要四個人分真係無從入手...分左四份食少少..~幾好丫~唔知好似d 咩..........一時醒唔起..
Tiramisu無咩酒香~~仲有個咩咩berry 都唔錯~一向少食甜品唔識講
....眾人食飽(其實飽唔飽?)坐著吹水~女友對呢度d咖啡杯好有興趣,仲捉住個好nice 的四眼女waitress 問邊度有得買??得來的回應係
鐵柄果隻係個店主在意大利帶返黎,另外果隻在香港都有...)咁女友繼續鍥而不捨咁在邊度有得賣?)女waitress答一時間答唔到你..
下次你打個電話黎問丫?)一時間"e" 同杯麵仔都加入埋研究,女友見到Penpen 果杯咖啡杯......即刻囉黎looklook ~差d想據為己有~哈哈..
不過聽五十年講可能會在上海街近老廟果頭搵到..~咁要搵日要去踫下運氣,杯麵仔話搵到的話唔該call 埋佢~
隔離檯的Penpen 呢期做o左刀神~點出神入化就要等其他人解畫~
另我問Penpen呢餐覺得點??)佢就話一個人黎食會開心d~)另外Frankie講到遲下教大家去秋業原"尋幽探秘" ~仲有聽Frankie講下日本馬交之旅~一樂也...加埋佢鬼馬表情,真係越黎越愛佢~哈
每人$225~咁抵唔抵好見仁見智..不過唔係好飽~~~事後覺得呢處唔係好適合搞大班人gathering.......不過今日氣氛都好好..
邊個話人強不需要馬壯?點強都好都係得一個胃......學肥谷話齌有好野食無好朋友.....徙氣)....有時多人d~可試多d野食~咁o岩大家都係有個共同嗜好---------------食!
聽V.V 講過多兩星期又有新花臣~~係咩??你問佢喇~
張貼