欅 居酒屋

營業中

休息中

呢間日本料理真係幾抵食！晚上6點後多款美食、啤酒都係$38🍢🍺我就揀了幾款$38嘅美食。大蜆好鮮甜，肉質好飽滿！蟶子配上黃金醬焗更香。刺身方面，三文魚油脂豐富，油甘魚厚切。仲叫咗燒鱈魚乾，飲啤酒就啱噃🍻 牛油果沙律就幾清新，食完前面啲嘢之後，食呢個幾好，可以平衡返個味。跟住就輪到串燒大軍出場啦！我地散叫咗串燒：雞頸肉、雞翼、明太子雞肉、牛舌、牛小排，仲有豚肉秋葵卷，呢啲都係串燒嘅經典之選，全部都好味！雞頸肉烤得啱啱好，脆卜卜，肉又嫩；雞翼調味啱啱好，唔會太鹹；明太子雞肉就辣辣哋，幾惹味；牛舌厚切，幾爽口；牛小排肥瘦啱啱好，入口即溶；豚肉秋葵卷就幾清新。卷物揀了松葉蟹肉帆立貝卷，仲叫咗個鵝肝鰻魚石鍋飯！蟹肉帆立貝口感豐富！鵝肝鰻魚石鍋飯熱辣辣，鵝肝香口。