4口

營業中

休息中

📍4口 🔍中環金融街8號國際金融中心商場2樓2012號舖-----餐廳最近更新咗餐牌，雖然無咗d以前好中意嘅菜式，但係又多咗d新菜式望落幾吸引可以試下。仲推出咗幾款晚市套餐，有飲品（可以選湯、酒或茶）、小食同主菜，IFC黎講，價錢都算合理。比對過價錢，套餐CP值幾高，如果套餐嘅主食啱食嘅話，一律建議叫套餐，抵過單點，仲可以叫清酒🍶。🥗 香醋拌蝦苗蝦苗係福建菜常見嘅食材，配搭香醋汁，酸酸甜甜中帶微微海產鹹香，幾開胃。🍜吉品溏心鮑配薑油拌麵鮑魚鮮味十足，咬下去帶有少許如同年糕一樣的微微柔韌感，係幾高質嘅溏心鮑，薑油拌麵嘅薑油亦幾香口，不過要加少少湯黎拌麵，如果唔係會黏成一坨坨。🍲 姬松茸竹笙排骨湯湯底菇菌香濃郁，排骨燉得好淋，暖胃滋潤。🐏白切羊肉羊肉無羶味，肉質緊實濕潤，皮層帶點Q勁，配埋特製嘅辣汁，鹹香中帶少少辣勁。 🧄 蒜泥白肉蒜泥蒜香十足，肉片薄而通透，配埋清爽青瓜，令整個調味都不會太膩。🥒 勝瓜燴海蠣勝瓜嫩滑無渣，海蠣鮮甜無沙，好家常嘅菜式，味道清甜清甜的。🍲 淮山蟲草花排骨湯湯底濃郁唔油膩，蟲草花富咬口加上淮山嘅粉糯口感，不錯。