西餐大排檔 (已結業)

銅鑼灣百貨公司做緊大減價，血拼咗一日，拎到滿手都係戰利品，好攰。記起附近有一間西餐廳，之前食過質素唔錯，就上去食晚餐。 去到餐廳，居然唔使等位，因為好肚餓，唔想諗咁多，就點咗個晚市套餐 ~ 燒牛肉配茄汁意粉，再加個西班牙黑毛豬肋條肉和朋友分享。侍應好快就上咗菜，先嚟個蘑菇湯，跟住奉上 食晚餐送嘅芝士焗生蠔。蘑菇湯好香磨菇味，湯亦都好creamy。芝士焗生蠔雖然話係送嘅，但製作一點也不馬虎。 焗完嘅蠔肉雖然細細隻，但都好新鮮，加埋煙肉 一起焗，更加突顯蠔嘅鮮味。黑松露日本年糕用日本年糕做西式前菜，比較特別，年糕煙煙韌韌，加上黑松露香氣，幾好味。西班牙黑毛豬肋條肉肋條肉好爽，雖然有點肥膩，但配上菠蘿 一起吃，解膩之餘又開胃。燒牛肉配茄汁意粉牛肉燒得剛好，意粉配上蕃茄，酸酸甜甜好開胃。