大漁屋台 (已結業)

喺九龍灣同朋友睇完戲，朋友知我鍾意食日本野就帶咗我嚟呢間大漁屋台！我都幾鍾意呢度嘅環境，日式風味十足！至於食物方面，我就覺得佢哋個晚市定食相當唔錯啦！價錢合理又多嘢食👍🏻晚市定食J -三文魚刺身三件-吉列炸蠔-牛肉湯手打烏冬-日式蒸蛋我自己係好鐘意食烏冬嘅，覺得呢度嘅烏冬夠彈牙👍🏻好食啊！三文魚刺身都好正啊！夠多油脂同埋夠新鮮，一啲雪藏味都唔會有，抵讚！至於日式蒸蛋就夠晒滑口感一流！咁我本身就唔鍾意食一啲味精味好重嘅日式蒸蛋，而呢度嘅蒸蛋就完全冇呢個問題啦！淡淡地食到蛋香味！晚市定食B 三點刺身 雜錦天婦羅 香蔥拖羅蓉手卷 迷你冷蕎麥面 日式蒸蛋我朋友就叫咗B餐，好豐富呀！刺身都有三款～試咗一啖佢個拖羅手卷，好正啊！拖羅用油脂多口感順滑，個飯本身又有調味！味道一流👍🏻