SAKEH

營業中

休息中

尖沙咀天文臺道一帶都有好多有心小店，我自己就好鍾意試吓唔同嘅新嘢，今次呢間食日式串燒，即管睇吓佢有啲咩特別菜式。先唔好講串燒住，嚟呢度一定要飲清酒，今晚飲嘅鷹八景純米大吟釀， 720 mL $488收費都好合理，幾個朋友嚟啱晒。今次好大膽試咗個提燈，本身都唔知係咩嚟，店員介紹係雞嘅輸卵管同埋未成熟嘅卵王，好奇心驅使下即管試咗，我諗如果你本身都鍾意食內臟嘅話可能都覺得幾得意。我個人更加欣賞佢每位送贈一隻巨型生蠔，隻生蠔超爽甜，手掌咁大隻，仲要免費，食得好開心！食串燒當然唔少得要食佢哋嘅牛舌啦，牛味濃同埋爽口，鹽燒嘅味道剛剛好唔會太鹹。另外我覺得好值得試嘅有白鱔同埋龍蝦串！同埋都好可以試吓佢哋嘅燒飯團，預咗即燒要等一啲時間，但係你唔會失望，調味同埋燒嘅乾脆度剛剛好，成完肉類後用嚟作總結係非常之不錯！舖頭個氛圍都幾chill，我覺得好適合幾個朋友嚟飲下酒吹吓水，係幾高興嘅。