雪見 (已結業)

❀ 雪見 #銅鑼灣 ❀❗️晚市都可以$880就食到omakase❗️——————————————————最近嚟咗呢間裝修華麗但價錢合理嘅日本餐廳🇯🇵一出𨋢會有道自動門打開，好似酒店嘅設計咁😍晚市omakase有平有貴，最貴嘅唔使$1000，另外仲有啲定食套餐，任君選擇。當晚嘅廚師仲非常搞笑，連侍應都同客人有好多互動，服務氣氛都唔錯🥳！.✷𝑀𝑒𝓃𝓊✷☞ 廚師發辦 $880 (3.8/5)♥ 前菜：沙律♥ 刺身：左口魚、海膽、蜜甘鯛、白蝦♥ 獨眼龍生蠔♥ 壽司：魷魚、深海池魚、金海老、大拖羅、帆立貝、赤身、海膽♥ 蒸蛋♥ 湯♥ 烏冬♥ 甜品：黑芝麻雪糕、柚子雪葩以刺身同壽司為主，主要食翻魚生本身嘅鮮味，冇乜花臣。唔會話有好大驚喜，但係呢個價錢來講算唔錯，始終食材新鮮、味道鮮甜👌🏻。生蠔夠晒大隻而且creamy，唔錯！而蒸蛋亦加入咗蟹肉，口感嫩滑。欣賞個湯居然唔係麵豉湯而係魚湯，雖然清少少。不過烏冬就爭少少，比較扁身，欠缺彈性。.☞ 刺身盛 $488 (3.8/5)刺身盛就有帆立貝、赤身、鯖魚、拖羅、油甘魚，當然冇omakase咁多選擇同埋昂貴嘅魚生，但係同樣新鮮。平平哋就咁食咗刺身盛都唔錯😆。