明星海鮮酒家 (已結業)

今晚收工同幾個同事一齊食飯, 想慢慢食所以去左酒樓.生炒骨, 排骨炸得幾脆口, 汁唔會太酸, 送飯一流.海鮮卷, 炸得幾香口, 唔會太油膩, 餡料有蝦, 紅蘿蔔西芹, 沙律醬, 甜甜酸酸幾好.金銀蛋浸波菜, 較清淡, 菠菜有D老, 唔爽口.蒸走地雞, 雞肉幾嫩滑, 味道唔會太咸, 蒸煮無咁油膩.果盤係西瓜, 唔太甜都幾多汁.明星確實大碟又抵食。