明星海鮮酒家 (已結業)

今日約了朋友食飯，朋友見到新蒲崗的明星海鮮燒鵝專門店的樓下張貼出非常多的優惠，所以我們決定跨區坐車去新蒲崗食。坐下後我們拿著優惠餐牌，先點優惠食物，但侍㒣告訴我們，優惠已經全部無啦!？??!! 現在才晚上8時多，餐廳無優惠怎麼不收起樓下的優惠牌?感覺有㸃被餐廳欺騙之感。自選孖寶套餐薑蔥斑頭腩煲一份蒜蓉炒菠菜$128斑頭腩味道尚算不錯的。鹵水掌翼小食$48鹵水掌翼鹵得並不入味，顯然食不到鹵水味道，感到有少少失望。

最近發現好多酒樓都有平價嘅長腳蟹食，呢間酒樓我哋之前嚟過食海鮮，覺得又平又好味，所以今次決定返嚟order隻長腳蟹食一坐低我同朋友就急不及待去揀長腳蟹，見佢隻隻都好大隻又識郁，其實唔係好識揀，最後同師傅講要隻細少少嘅，四個人食唔使咁大姐，佢幫我地揀咗隻5.2斤我哋揀咗就咁清蒸。好大隻啖啖肉，肉都夠實淨～ 雖然我覺得略為淡蟹味左少少，唔夠甜，不過以$188一斤嘅價錢算係咁～呢隻嘅蟹膏唔夠鮮甜唔好彩～～燒味拼盤幾好味～ 賴尿蝦好大隻又新鮮又彈牙，正呀！呢度嘅魚香茄子煲好正，每次都會叫。大閘蟹只有三両左右大，公嚟嘅，咁細隻嘅大閘蟹其實都算多膏，$48隻算OK啦。4個人食每人4百令蚊真係好抵食！

我和男友一直很喜歡飲茶。人大了，學懂欣賞從前不喜歡的活動。而且想兩個人慢慢坐下傾下計，唔洗計時入座最低消費乜乜物物，飲茶確係一個唔錯選擇。而且點心小菜各人喜愛，你鍾意嗌乜就嗌乜，雙方口味不同也總可滿足得到。再加上，年紀大，開始走養生熱飲路線。飲茶真係一個好選擇。好，講左太多，入正題喇。話說某日又在新蒲崗附近午飯，想不到吃甚麼。我又再次拍板 「明星飲茶啦」而且當日心血來潮，「唔好嗌點心喇，嗌特價小菜啦。」就這樣，一個中午，兩個人吃了一碟龍蝦伊麵及一隻燒乳鴿。請繼續留意我的飲食分享，飲茶系列有排寫呀。

昨晚去新蒲崗明星食長腳蟹，選了一隻四斤半，到店員蒸熟攞上枱面之後發覺長腳蟹鉗是大細的！特價還要258一斤，蟹的膏亦不翼而飛，只看見深灰色的液體在蟹蓋來，接着跟經理理論她居然說蟹的鉗是大細的這是正常，我真的無言！

我偶然都愛跟老父到茶樓嘆一盅兩件， 但最近都過這間連鎖店茶樓，無論服務或出品都普普通通，，我忍不住寫評希望餐廳看到可以改善。那日，我和爸等到位，坐了很久，仍沒有招呼，開卡，侍應明見到我舉手但都沒有主動幫忙，，我忍不住叫親身叫經理開茶。不過普洱茶有一股怪味，不好飲，我改喝水算了！ 不過㸃心都是一般質素，燒賣肉散，味精重，流沙包的流沙不是不太流沙，一舊粉狀物，包質口感不鬆軟。以為炸物好吃㸃，㸃知又中伏，咸水角微溫，皮太厚，有一些油"益"味，加上入面D肉餡也不多，似食炸粉團。山竹牛肉，肉散成舊粉，擂沙湯丸是唯一最好吃，糯米團很煙韌，但那個擔擔麵，湯底竟然不太熱，麵貨太腍，那些醬汁味道怪怪，跟我食過好吃的擔擔麵差得有點遠！

冬至食飯好多人，大枱一定要訂位。而我4個人就坐細枱，好彩剛好有張細枱可以入座。屋企人比個蠔字呃咗，其實只係蠔汁，無蠔。例牌燒鵝，油到不得了。。。牛仔骨份量都幾多，幾香，好味道。主菜芝士龍蝦伊麵，汁可以再濃一點。不過都係好香，龍蝦肉質彈牙。好味

説開食長腳蟹，先生提議新蒲崗的明星海鮮燒鵝尊門店，於是和先生的家姐及姐夫，一行4人，説去就去。樓下已見到明星海鮮的招牌，非常搶眼。酒家裝修明亮優雅，十分舒適。我們第一時間揀了隻3.5斤的長腳蟹。長腳蟹$1008。約15-20分鐘。十分期待的長腳蟹終於上埸，廚師有心思地將長腳蟹排好，紅紅黃黃的顔色十分顯眼，令人見到已垂涎欲滳。長腳蟹的殼不是很硬，較剪非常易剪，蟹蓋裝著的蟹糕味道濃郁。長腳蟹非常肥美，蟹肉新鮮，味道十分鮮甜。食到差不多時間，我們追加半隻燒鵝，但是侍應説已經售完。唯有再看菜譜，要了個糯米飯，但侍應說糯米飯也已售完。侍應介紹我們不如要個荷葉飯，我們都覺得不錯，於是要了個荷葉飯，不過三四分鐘後侍應又過來對我們說，荷葉飯也售完了。我們你眼望我眼，餐牌上㸃的食物都沒有，真是𤔡之氣結，什麼酒家啦，問侍應還有什麼飯是有的，揚州炒飯有沒有。真是開心，侍應説有呢，终於㸃到有的食物了。揚州炒飯$88。炒飯的味道一般，有比較大的蝦仁粒及燒肉粒，不過燒肉粒稍嫌較肥，瘦小小會好些。雖然今晚㸃菜過程有㸃不愉快，但是與家姐姐夫一斉閑話家常，暢所欲言，非常開心。

今晚一行五人擦餐勁！平平哋食下海鮮又唔想行到咁遠，喺市區真係冇乜選擇！當日冇咩人食飯，可鬆鬆動動地坐係一齊！＄78可以食到京式片皮鴨，只係包左一食，整得普普通通，但勝在連薄餅皮一起附上，上枱時熱辣辣，價錢又唔貴！第二樣係燒乳鴿， 雖然係＄28隻，但係真係唔係好好食！上枱時又唔熱，皮又唔脆。之後就係食上湯龍蝦伊面，味道唔錯，而且龍蝦係新鮮嘅！好似大概百幾蚊到啦！最值得讚嘢係清蒸蒜蓉聖子，＄78都有四隻，加多一隻比多＄20 !啲聖子大大隻又有鮮味！最後叫咗個臘味糯米飯，之前食過呢間嘅糯米飯係幾好食，但係今次就整到濕咗啲啦！你未到都係同以往一樣好好食！甜品方面呢我唔記得咗影相，只係記得影呢個棗王糕，味道一般，但係真係好平，我哋叫咗幾款甜品嘅價錢都好平，平均十元一樣，作為一歺晚飯圓滿嘅句號！

本人極少發表食肆的評論，但位於新蒲崗的明星酒樓確實非常之差，櫃檯照俾你攞籌，我家排第二，等超過半小時都未等到，原來佢哋俾曬啲熟客，遲來嘅熟客入完一檯又一檯，從來冇叫過一個籌號，其實如果只係做熟客嘅話，就索性唔好派籌俾我哋，欺騙手段，唔理會客人企滿大堂，由得等我哋長時間等，我哋後生的唔緊要，但家中有老人家又有細路，呢種手法實在太過份，因此，我必須要在此提醒各位千祈唔好幫襯佢哋，祝明星早日有應得啲報應！請廣傳，以免其他人客受罪。

一年容易又中秋， 每年係呢個時候，都會和我的中學同學 慶祝生日。今年 ，趁住打波的空 檔期 ， 一班friend 一齊和 他在這間 個個禮拜都來的。。 冇明星的。。 明星酒家賀壽。偷偷地買了一個蛋糕仔， 叫阿姐放在雪櫃， 食完蝦餃燒賣叉燒包後 ，就到 慶生的時候了。常言道。。 人生有一知己 。可以約埋一齊去睇。。。五月天開心的人別聽慢歌。。。點解? 因為掛住傾計 同打卡 囉！!!平凡的日子 ，是最容易過的，亦也過得很開心。 因為無驚無險又一天，人生 。。。就好像一間無限公司，你想怎樣你就會怎樣。。相約你。。。 下年5月，不見不散。

魚香茄子煲係我既至愛，每次食小菜都必點！茄子煲上檯時熱辣辣，發出滋滋聲，先聲奪人！魚香味撲鼻，令人睇見都流口水！茄子煲非常惹味，香飯都添多兩碗！但非常多油，好唔健康，偶然食一次就好了！另一個必食之選就係薑汁糕，薑味突出，但又唔係太濃太辣！糕身彈牙有口感，非常中意！

同屋企人去附近酒樓飲茶，媽咪去開明星有感情。兩個人總共食咗五個點心，呢間酒樓都keep得到基本水準，不過不失咁啦。比較不足嘅係，腸粉皮厚，唔夠滑，好大啖粉。做得比較好嘅就係四寶滑雞札，好足料，有火腿、魚肚、冬菇、滑雞。佢哋係用真正嘅魚肚，而唔係用豬皮，而雞好滑。另間酒樓野食不錯，但提醒大家一句，入去食飯要預左食埋酒樓啊姐d氣... 佢地一個二個都食左火藥甘。

燒豬外皮燒得好脆好咁香，脆皮下面是半肥瘦的豬肉，喜歡的朋友會覺得好正，剛入口就有有層脆脆薄薄的脆皮，接着就係一層軟軟的肥肉，咬到底就係一層彈牙的豬肉，當你口腔已把呢三個層次咀嚼到混在一起，燒豬的脆、軟、彈牙同甘香依然迴繞着。好啦，又介紹下其他，叫咗個通菜，都炒得幾爽，又夠份量，但係太多油 =(個牛柳粒食落都幾香，d 豆角又夠鑊氣，但幾知食多三兩舊牛食到係"宿"咗=_=個荷葉飯真係唔太推介，食落我會expect 係荷葉香，但又係又油好滯咁。荷香完全幫佢唔到。雖然個蚌下面都係好多油，不過係用蒸煮的方法，所以唔係沾到佢啲油。食落覺得好爽好鮮，d蒜味入咗個蚌肉，好正。d粉絲仲正!! 吸晒d精華，識食一定係食粉絲。個炸蠔都炸得酥脆，蠔肉都夠軟滑，但其中一塊竟然係假狗(內冇蠔肉)，不過問部長定唔知經理佢有廚房再炸返一個出來補返比我地。總括來講好壞參半，雖然係油，但可能因為係走式酒樓的路線所以想favour返上咗年紀的一輩所以重油一點。今次唔計出事的蠔同牛肉呢間嘢都係食得過的，畢竟個價位都叫相宜。報告完畢。

六個人六味餸：炸蠔，象拔蚌，荷葉飯，牛柳粒，炒通菜，乳豬。炸蠔，炸粉大，蠔肉少。一大舊炸粉中間，蠔係佔咗中間一小部份。8隻裏邊有一隻直頭係一舊粉，一粒仔蠔肉都冇！象拔蚌，做緊優惠，叫做不過不失，但粉絲唔夠淋都係扣分。荷葉飯，冇荷葉味，更加冇蠟味味，簡單來講成個飯都係冇乜味嘅。牛柳粒，過鹹，第一啖幾好食，食多兩啖，都係只有鹹味。炒通菜，有通菜味，但真係只有通菜味，好似冇乜調過未甘。最好食就係呢個乳豬啦，皮脆肉滑，醬汁又好食，成個餸都好高質！但價錢都高，13x蚊，唔夠十件，抵唔抵見仁見智啦！不嬲幫襯開呢間酒樓，上次黎食都仲係大件夾抵食，而且質素有保證。估唔到今次咁令我地失望，六碟餸只有一碟比較出色，兩三碟合格。另外幾碟唔知發生咩事，質素下降，量仲要大減，比茶餐廳一人客飯嘅小菜仲要細碟。埋單一人要成百五蚊，唔飽喎！

今晚收工同幾個同事一齊食飯, 想慢慢食所以去左酒樓.生炒骨, 排骨炸得幾脆口, 汁唔會太酸, 送飯一流.海鮮卷, 炸得幾香口, 唔會太油膩, 餡料有蝦, 紅蘿蔔西芹, 沙律醬, 甜甜酸酸幾好.金銀蛋浸波菜, 較清淡, 菠菜有D老, 唔爽口.蒸走地雞, 雞肉幾嫩滑, 味道唔會太咸, 蒸煮無咁油膩.果盤係西瓜, 唔太甜都幾多汁.明星確實大碟又抵食。