紅磡冰室 (已結業)

紅冰真係由細食到大，由少少嘅一間小店到而家各區都有分店，佢嘅常餐好食就大家都知，但由於常餐只係供應到夜晚六點，晚黑肚餓就要食其他嘢黎醫肚！雖然餐牌上嘅餸同普通茶記大同小異，但都煮得好用心，用料幾新鮮。呢個係茄子炆倉魚，如果唔鍾意茄子可選苦瓜。茄子炆得入味，倉魚亦都煎得香口，個汁好惹味，價錢唔需要過百，值得一試。西蘭花新鮮，熟到啱啱好唔會變咗黃色，蝦仁爽口有肉地，加埋彩椒，不但令賣相好吸引，食落仲好開胃，最啱配碗大白飯。