紅茶冰室 (已結業)

朋友話介紹平靚正晚餐，原來講緊呢間，唔覺察原來喺荃灣開左分店。7:00多點已經要排隊，人齊半數可入座。我點左韓式醬燒牛柳配意粉，加送紅湯，湯辣辣地幾濃味，好多湯渣但比較爛。講番牛柳，幾腍，唔錯。意粉我鍾意佢乾身，都好。食左一陣，侍應開始黎問收碟，其實未食完，接二連三咁問，見到門外大排長龍，加上冷氣校凍左，明白哂。快快飲埋杯凍檸茶，埋單。