板燒郎燒肉鐵板放題料理專門店 (已結業)

今日係一個大日子🎉，就係我女朋友生日🎂，決定去返佐敦新寶廣場5樓，板燒郎，點解？因為我係呢度追到我女朋友囉！！😜聽講佢地有啲嘢唔同咗，果然係，先講招呼，真係好好，好用心，當我倆入到嚟，😁笑容冇得頂，跟住我同個經理講，今日我女朋友生日，佢一句答（👌冇問題，包係我地身上），跟住開始叫嘢食，我地升級咗$148，叫咗個翅 食先，味道唔錯啦，翅就可以夾得起咁多囉，跟住食開始食刺身😱😱😱，三文魚腩， 赤貝， 希靈魚 ，油甘魚腩通通都係我至愛，可以用肥美，新鮮嚟形容，同埋個 珍寶赤蝦刺身🦐，嘩嘩，同我女朋友隻手一樣咁大，佢仲有蒜蓉燒生蠔， 香煎鵝肝， 燒大元貝， 鮮鮑魚， 燒鰻魚，全部都係咁正， 竟然原來我升級咗148， 佢哋仲送我哋每人半隻新鮮本地龍蝦， 鮮甜到呢，講你都唔信， 我諗住個經理只係送每人半隻龍蝦畀我就算啦 ，突然間驚喜嚟啦😳， 佢仲記得我女朋友鍾意食壽司， 個經理突然我出一個超級靚嘅壽司拼盤俾我女朋友， 跟住仲同兩位同事一齊喺度同我哋唱生日歌， 令到我女朋友即時驚喜到爆喊😭， 咁嘅驚喜我冇諗過會發生喺我身上， 我只不過係一個普通的熟客， 佢哋都可以用心去製作驚喜畀我哋， 我真係好多謝