越興園越南菜館 (已搬遷) 新店位置

係旺角唔食放題好似唔知食乜咁，最後行左入女人街是旦揾間食就入左呢間餐廳食。一開始都希望會食出驚喜，以後除左放題就可以多個選擇，點知上菜時先覺得岩岩期望太高。。一睇就覺得連茶記都不如。。個無骨甜酸鳳爪d骨好硬。。真係呑唔落肚，個味又有d怪，我男朋友平時好中意食呢道小食，今晚食左一半都冇就冇食。。個香茅豬排飯，食左幾啖就冇食。。豬排冇香茅味又炸到超乾越鞋，個飯用d米口感好怪，就咁比少少豉油就算，好冇誠意。。感覺自己求其煮都好食過佢。椰青都甜，成餐最ok算係佢😅咖哩系列好少少，起碼咖哩個味算ok。。呢度價錢唔平，連茶記質素都冇，所以唔會再幫襯。