千銅和食屋 (已結業)

昨日下午，睇完戲就去搵野食，行到市中心華都，入了一間食日本食物的餐廳，當時已經6點幾，餐廳沒有人，得我倆就坐底睇餐牌叫野食，我地叫了一個餃子蕎麥面加$25有波菜沙律、黃金魷魚及麵豉湯，另外，叫一碗鰻魚蕎麥面及大蝦天婦羅。等了大約10-15分鐘就開始有食物送來，來的是蕎麥面加另上波菜沙律、魷魚及湯，後來餃子一碟，發覺餃子有啲煎燶少少，繼來鰻魚蕎麥面，鰻魚份量一般，最後，來一碟天婦羅。所有野食來齊了，菠菜沙律有點淡沒有汁一般好味，但食到天婦羅時，有驚喜，第一口食有外脆內軟感覺好味，價錢亦唔貴$58，抵食。至於，碗蕎麥面入面啲湯有啲甜，可以，較返淡些少會好些，味道好似甜豉油，整體上食物都可以，推介必叫大蝦天婦羅🍤，除了天婦羅抵食，其他都有點貴（雖然不需加一服務費）在進食期間，陸續有客人，途中餐廳很大油煙，通風系統較差，好彩坐近門口，服務員立刻打開門通風，食完便即走人。