三星台菜食堂 (新城市廣場一期) (已結業)

星期日中午食飯，沙田間間鋪頭都要大排長龍。記得新城市地下開咗好多間新餐廳，而呢間算快啲排到，咁就一於試吓。留意番呢間餐廳食飯時間限時得60分鐘！呢度嘅食物都幾少款...價錢係新城市廣場嘅話都合理嘅，雖然台灣嘢食來講都偏貴。香芋奶茶 ($24)普普通通，都同香芋味嘅（不過就比較似香精味嗰隻）如果要珍珠仲要加$5，有啲貴，倒不如去台式飲品店買算啦第一鹽酥雞（$58）最好食係呢個！推介推介！送想來嗰陣已經聞到超香！原來佢仲加咗啲蒜蓉，鹽酥雞炸得好香脆，而且非常香口！會食上癮😂紅燒牛肉麵 ($75)牛肉都唔錯，都有幾多舊，肉質都幾嫩身。面嘅份量就有啲少。湯底我覺得OK，不過朋友話好騷🧐怕騷嘅可能要留意吓。不過不失。整體來講普普通通，正常，唔算特別好食，有啲偏貴。不過如果唔想喺新城市排隊嘅話可以再試呢間餐廳。