黑龍 (已結業)

有日咁啱喺港島呢邊做嘢 收工就同個朋友過咗嚟北角呢間黑龍拉麵 夜晚九點幾嚟到唔使排隊 入面都係得番幾個客 同好多拉麵店一樣都係自己填單可以揀麵既硬度 配料份量 今次就揀咗最基本嘅豚骨叉燒拉麵湯頭比較傑身食得出係豬骨嗰種膠質 好可惜唔夠熱又冇乜味 但最大問題都係唔夠湯 後來見到枱頭貼住原來可以自己加湯 但係加完湯之後就更加淡味 要落七味粉同埋胡椒粉調味而麵質就冇乜特別 有咬口但食唔到麥味至於叉燒就非常之瘦 乾身又冇味唔使糖心蛋都係冇味嘅 應該係冇用醬油醃過成個拉麵基本上係冇一樣嘢係夠味道嘅 可能係我食過最齋嘅拉麵試過一次應該唔會再來