影片
更多
2019-10-14
493 瀏覽
呢日同同事去福榮街搵食，行過好多間都好多人咁，見住呢間小店開都未食過，就入去試下啦，反正又有位。我自己都ok福建菜嘅，特別係炒米粉。餐廳無做午市套餐，所以都係得一個menu，食物定價就中等啦。食物主要分為餃子🥟、飯麵同燉盅套餐類別。我見佢遮住唔賣嘅套餐其實好似就係有我哋想飯嗰兩樣🤔。飲品要額外加錢。我其實就想食扁食，即係雲吞仔，但同事驚太細隻無乜肉，所以食返湯餃。要咗🥟B5全家福餃子10隻，$39，即係有齊原味鮮肉、香菇蝦皮同埋韭菜鮮肉餃。嚟到見到個樣plain plain哋，個碗寫住家的味道就最顯眼🤣，齋睇樣唔係好分到邊隻餃子係邊一款。餃子皮太厚了，麻麻地，唔好食但又未到難食，個餡亦都好普通，係香菇蝦皮嗰隻呢就特別少少，食得出有蝦皮🍤。整體好一般，個人唔會推介。另外就叫左D10莆仙炒米粉($48)，我鍾意食福建炒米粉，係因為多數都會用比較幼身嘅銀絲米粉，炒起嚟亦較為乾身，無咁膩。呢度嘅炒米粉都做到我所講嘅要求，但賣成呢個價錢，我expect份量會多啲或有多啲料炒。而家似一個小食多啲，味道亦唔稱得上好好食。總括嚟講，我唔會特別推介呢間食店，食物味道唔難食，但亦都唔係好食，性價比唔高。呢
呢日同同事去福榮街搵食，行過好多間都好多人咁，見住呢間小店開都未食過，就入去試下啦，反正又有位。我自己都ok福建菜嘅，特別係炒米粉。
餐廳無做午市套餐，所以都係得一個menu，食物定價就中等啦。食物主要分為餃子🥟、飯麵同燉盅套餐類別。我見佢遮住唔賣嘅套餐其實好似就係有我哋想飯嗰兩樣🤔。飲品要額外加錢。
我其實就想食扁食，即係雲吞仔，但同事驚太細隻無乜肉，所以食返湯餃。要咗🥟B5全家福餃子10隻，$39，即係有齊原味鮮肉、香菇蝦皮同埋韭菜鮮肉餃。嚟到見到個樣plain plain哋，個碗寫住家的味道就最顯眼🤣，齋睇樣唔係好分到邊隻餃子係邊一款。餃子皮太厚了，麻麻地，唔好食但又未到難食，個餡亦都好普通，係香菇蝦皮嗰隻呢就特別少少，食得出有蝦皮🍤。整體好一般，個人唔會推介。
全家福餃子
$39
28 瀏覽
0 讚好
0 留言
另外就叫左D10莆仙炒米粉($48)，我鍾意食福建炒米粉，係因為多數都會用比較幼身嘅銀絲米粉，炒起嚟亦較為乾身，無咁膩。呢度嘅炒米粉都做到我所講嘅要求，但賣成呢個價錢，我expect份量會多啲或有多啲料炒。而家似一個小食多啲，味道亦唔稱得上好好食。
莆仙炒米粉
$48
12 瀏覽
0 讚好
0 留言
總括嚟講，我唔會特別推介呢間食店，食物味道唔難食，但亦都唔係好食，性價比唔高。呢區有咁多食肆，真係冇咁快排到要食佢。至於餐廳環境同店員態度都ok嘅，上菜速度都略嫌慢，加上都唔多人食緊嘛。但主要因為食物質素係咁，都未必有下次😕。
張貼
