喜悅軒酒家 (已結業)

星期六晚到了黃埔開飯，原本打算到王家沙，不過要等位，所以便過隔鄰試試這間中菜館。見這裡門面尚算光鮮，乾淨企理，最重要係全場只得大約六七成滿，環境唔嘈吵坐得又舒服。Menu有抵食孖寶選擇，$128有紅燒豆腐班腩煲加腐乳通菜花枝片，有菜有豆腐又有魚，見咁抵食唔再諗已經決定order。再加紅燒乳鴿一隻，乳鴿皮燒得香脆可口，熱辣辣幾好味。還有白飯一碗，menu上還寫明酒家選用金鳳牌香米，每碗十二蚊。腐乳通菜花枝片及班腩煲上檯時熱騰騰，腐乳下得多夠濃味，兩樣餸的材料亦下得足，不過可惜略為較鹹。飯後甜品有紫米露及雪耳燉蘋果，反而這兩個贈送既甜品幾好味，吃得出廚師有下心機煑出來，不像某些酒樓贈送的甜品那樣求其，所以挽回不少分數。