藥膳刀削麵 (已搬遷) 新店位置

見單張上選擇多，好似好好食，就嚟咗試下。開頭冇睇清楚以為有堂食，原來係外賣店。試咗麻辣豬肚刀削麵同醉雞刀削麵配杯豆漿同一盒紙包飲品。打開外賣，刀削麵同藥膳湯分開。雖然好多餐廳都有咁做，但呢個都還是加分位。藥膳湯聞到有淡淡藥膳味，飲落都係淡嘅藥膳湯味。如果濃味d會更好味。刀削麵算不錯，有煙韌感覺。部份位都有少少淋，唔知係唔係外賣盒焗咗佢一陣。麻辣豬肚有辣味，但冇麻辣。整體感覺一般。同埋梗係覺得麻辣同藥膳唔係好夾，感覺麻辣豬肚放入湯會蓋過藥膳味。同事就話醉雞冇醉雞味，同埋鹹咗少少。$45/一個麵同一杯飲品，喺中環來講算實惠。整體來說，刀削麵正正常常，但唔係特別好食。短期內未必會encore。